اسەل جاناسوۆا پرەزيدەنت اكىمشىلىگى باسشىسىنىڭ ورىنباسارى بولىپ تاعايىندالدى. بۇل تۋرالى بۇگىن، 10 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن اسەل جۇبانىشقىزى جاناسوۆا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»،- دەلىنگەن حابارلامادا.
ايتا كەتەيىك، اسەل جاناسوۆا بۇعان دەيىن پرەزيدەنتتىڭ كەڭەسشىسى بولدى.
اسەل جۇبانىشقىزى 1987 جىلى الماتىدا دۇنيەگە كەلگەن. 2010 جىلى كەمبريدج ۋنيۆەرسيتەتىن ينفورماتيكا ماماندىعى بويىنشا بىتىرگەن (باكالاۆريات), ال 2014 جىلى كەمبريدج ۋنيۆەرسيتەتىندە ينفورماتيكا ماماندىعى بويىنشا ماگيستر دارەجەسىن الدى. 2016 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە MBA Executive Management ءبىتىردى.
ول 2010-2014 جىلدار ارالىعىندا ENRC PLC Group اقپاراتتىق تەحنولوگيالار قاۋىپسىزدىگى ءبولىمىنىڭ باسشىسى بولدى. 2014-2015 جىلدار ارالىعىندا - قر ۇلتتىق بانكى اقپاراتتىق تەحنولوگيالار دەپارتامەنتى ديرەكتورىنىڭ ورىنباسارى، 2016-2017 جىلدار ارالىعىندا «زەردە» ۇلتتىق اقپاراتتىق-كوممۋنيكاتسيا حولدينگى» اق باسقارما توراعاسى، 2017-2020 جىلدار ارالىعىندا «استانا» حالىقارالىق قارجى ورتالىعىنىڭ تسيفرلىق تەحنولوگيالار (CDO) جونىندەگى باسقارۋشى ديرەكتورى قىزمەتتەرىن اتقاردى. 2020-2022 جىلدار ارالىعىندا قر ساۋدا جانە ينتەگراتسيا ۆيتسە – ءمينيسترى لاۋازىمىندا بولدى.
2022 جىلعى 3 قازاننان 2025 جىلدىڭ ماۋسىمىنا دەيىن «قازپوشتا» اق باسقارما توراعاسى جانە «قازپوشتا» اق ديرەكتورلار كەڭەسىنىڭ مۇشەسى قىزمەتىن اتقارعان ەدى.
