Äsel Janasova Prezident äkımşılıgı basşysynyŋ orynbasary bolyp taǧaiyndaldy. Būl turaly bügın, 10 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Äsel Jūbanyşqyzy Janasova Qazaqstan Respublikasy Prezidentınıŋ äkımşılıgı basşysynyŋ orynbasary bolyp taǧaiyndaldy, ol būrynǧy atqarǧan lauazymynan bosatyldy»,- delıngen habarlamada.
Aita keteiık, Äsel Janasova būǧan deiın prezidenttıŋ keŋesşısı boldy.
Äsel Jūbanyşqyzy 1987 jyly Almatyda düniege kelgen. 2010 jyly Kembridj universitetın informatika mamandyǧy boiynşa bıtırgen (bakalavriat), al 2014 jyly Kembridj universitetınde informatika mamandyǧy boiynşa magistr därejesın aldy. 2016 jyly M.V. Lomonosov atyndaǧy Mäskeu memlekettık universitetınde MBA Executive Management bıtırdı.
Ol 2010-2014 jyldar aralyǧynda ENRC PLC Group aqparattyq tehnologiialar qauıpsızdıgı bölımınıŋ basşysy boldy. 2014-2015 jyldar aralyǧynda - QR Ūlttyq Bankı Aqparattyq tehnologiialar departamentı direktorynyŋ orynbasary, 2016-2017 jyldar aralyǧynda «Zerde» ūlttyq aqparattyq-kommunikasiia holdingı» AQ Basqarma töraǧasy, 2017-2020 jyldar aralyǧynda «Astana» halyqaralyq qarjy ortalyǧynyŋ sifrlyq tehnologiialar (CDO) jönındegı basqaruşy direktory qyzmetterın atqardy. 2020-2022 jyldar aralyǧynda QR Sauda jäne integrasiia vise – ministrı lauazymynda boldy.
2022 jylǧy 3 qazannan 2025 jyldyŋ mausymyna deiın «Qazpoşta» AQ Basqarma töraǧasy jäne «Qazpoşta» AQ Direktorlar keŋesınıŋ müşesı qyzmetın atqarǧan edı.
