«زاڭ مەن ءتارتىپ» رەسپۋبليكالىق اكتسياسى اياسىندا الماتى قالاسىندا قۇقىقتىق مادەنيەتتى قالىپتاستىرۋ، ازاماتتاردىڭ زاڭ تالاپتارىن دۇرىس ءتۇسىنۋى مەن ادام قۇقىقتارىن قورعاۋ باعىتىنداعى اقپاراتتىق-ءتۇسىندىرۋ جۇمىستارى جۇيەلى تۇردە جالعاسىپ كەلەدى. اتالعان باستاما شەڭبەرىندە ادىلەت دەپارتامەنتىنىڭ قىزمەتكەرى شىنار ابزەلبەك الماتى قالاسىنداعى №72 تۇزەتۋ مەكەمەسىنە ارنايى بارىپ، جازاسىن وتەۋشى ازاماتتارمەن كەزدەسۋ وتكىزدى، دەپ حابارلايدى «ادىرنا» ۇلتتىق پورتالى.
كەزدەسۋ بارىسىندا سوتتالعان ازاماتتارعا ارنالعان مازمۇندى ءارى جان-جاقتى ءدارىس ۇيىمداستىرىلىپ، ادام قۇقىقتارىن ساقتاۋ، قۇقىقتىق جاۋاپكەرشىلىكتىڭ ءمانى، زاڭ تالاپتارىن ورىنداۋدىڭ ماڭىزدىلىعى جانە قۇقىقتىق مادەنيەتتى قالىپتاستىرۋ ماسەلەلەرى كەڭىنەن ءتۇسىندىرىلدى. ءدارىس بارىسىندا قوعامداعى زاڭ ۇستەمدىگى قاعيداتى، قۇقىق پەن مىندەتتىڭ ءوزارا بايلانىسى، سونداي-اق ازاماتتاردىڭ قۇقىقتىق ساۋاتتىلىعىن ارتتىرۋدىڭ ماڭىزىنا ەرەكشە نازار اۋدارىلدى.
لەكتسيا اياسىندا قازاقستان رەسپۋبليكاسىنىڭ كونستيتۋتسياسىندا بەكىتىلگەن نەگىزگى قۇقىقتار مەن بوستاندىقتار، ولاردىڭ ىسكە اسۋ تەتىكتەرى مەن قۇقىقتىق قورعالۋى، سونداي-اق ادام قۇقىقتارىن قورعاۋعا باعىتتالعان ۇلتتىق جانە حالىقارالىق قۇقىقتىق نورمالاردىڭ مازمۇنى ەگجەي-تەگجەيلى باياندالدى. سونىمەن قاتار حالىقارالىق ادام قۇقىقتارى ستاندارتتارىنىڭ نەگىزگى قاعيداتتارى مەن ولاردىڭ وتاندىق زاڭنامادا قولدانىلۋ ەرەكشەلىكتەرى دە ءتۇسىندىرىلدى.
ءىس-شارا بارىسىندا ادام قۇقىقتارىن بۇزۋدىڭ الدىن الۋ، زاڭ نورمالارىن دۇرىس ءارى ءتيىمدى قولدانۋ، قۇقىقتىق ساۋاتتىلىق دەڭگەيىن كوتەرۋ ارقىلى قۇقىقبۇزۋشىلىقتاردىڭ الدىن الۋ جولدارى ناقتى پراكتيكالىق مىسالدار ارقىلى جەتكىزىلدى. تىڭداۋشىلار وزدەرىن تولعاندىرعان ساۋالدارىن قويىپ، قۇقىقتىق رەتتەۋ سالاسىنداعى وزەكتى ماسەلەلەر بويىنشا بىلىكتى كەڭەستەر الدى.
مۇنداي كەزدەسۋلەر جازاسىن وتەۋشىلەردىڭ قۇقىقتىق مادەنيەتىن ارتتىرۋمەن قاتار، ولاردىڭ قوعامعا قايتا بەيىمدەلۋىنە، زاڭ تالاپتارىن ساقتاۋعا دەگەن سانالى كوزقاراسىن قالىپتاستىرۋعا جانە زاڭ ۇستەمدىگىن نىعايتۋعا وڭ اسەرىن تيگىزەدى. قۇقىقتىق ءتۇسىندىرۋ جۇمىستارى تۇزەۋ مەكەمەلەرىندەگى تاربيەلىك شارالاردىڭ ماڭىزدى بولىگى بولىپ سانالادى.
ادىلەت دەپارتامەنتى الماتى قالاسىندا الداعى ۋاقىتتا دا ازاماتتاردىڭ قۇقىقتىق ساناسىن ارتتىرۋ، ادام قۇقىقتارىن قورعاۋ جانە قۇقىقتىق مادەنيەتتى نىعايتۋ باعىتىنداعى ءىس-شارالاردى جۇيەلى تۇردە جالعاستىرۋدى جوسپارلاپ وتىر.
