ۋكراينا پرەزيدەنتى ۆلاديمير زەلەنسكي رەسەي كۇشتەرى كيەۆكە قارسى شامامەن 500 درون جانە 40 راكەتا ۇشىرعانىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى ول ءوزىنىڭ Telegram پاراقشاسىندا جازدى.
پرەزيدەنتتىڭ ايتۋىنشا، شابۋىلداردىڭ نەگىزگى ماقساتى – ەنەرگەتيكالىق نىساندار مەن ازاماتتىق ينفراقۇرىلىم.
«تۇننەن بەرى رەسەيدىڭ جاڭا شابۋىلى جالعاسىپ جاتىر. جاقىن شامامەن 500 درون، كوپتەگەن «شاحەد» دروندارى جانە 40 راكەتا، ونىڭ ىشىندە «كينجال» بار. شابۋىلداردىڭ باستى نىسانى – كيەۆتىڭ ەنەرگەتيكاسى مەن تۇرعىن ينفراقۇرىلىمى»، – دەپ جازدى زەلەنسكي.
شابۋىل سالدارىنان تۇرعىن ۇيلەرگە زاقىم كەلگەنى بەلگىلى بولدى. كەيبىر اۋدانداردا ەلەكترمەن جابدىقتاۋ مەن جىلۋ جۇيەسى توقتاعان.
ۇقساس جاڭالىقتار
