بۇگىن، 24 قاڭتاردا FlyArystan اۋەكومپانياسىنىڭ الماتى – ورال باعىتى بويىنشا FS7167 رەيسى ۇشاق قۇستارمەن سوقتىعىستى، دەپ حابارلايدى “ادىرنا”.
FlyArystan مالىمەتىنشە، ۇشاق ورال اۋەجايىنا قونعان سوڭ، ينجەنەرلىك-تەحنيكالىق ماماندار استانادان جىبەرىلىپ، ۇشاق پەن ونىڭ كومپونەنتتەرىن تولىق تەكسەردى. بارلىق تەكسەرۋ اياقتالعاننان كەيىن ۇشاق ەكسپلۋاتاتسياعا رۇقسات الىپ، 25 قاڭتاردا ساعات 01:17-دە ورال – الماتى باعىتى بويىنشا قايتا ۇشىرىلدى.
"كەشىكتىرىلگەن رەيستىڭ جولاۋشىلارىنا ىستىق سۋسىندار مەن تاماق بەرىلىپ، 33 جولاۋشىعا سۇرانىس بويىنشا قوناقۇيدە ورنالاستىرۋ قامتاماسىز ەتىلدى", دەدى FlyArystan ءباسپاسوز قىزمەتى.
اۋەكومپانيا جولاۋشىلار مەن ەكيپاجدىڭ قاۋىپسىزدىگى – باستى باسىمدىق ەكەنىن اتاپ ءوتتى. بارلىق شارا اۆياتسيالىق قاۋىپسىزدىك پەن تەحنيكالىق ەكسپلۋاتاتسيا تالاپتارىنا ساي قاتاڭ ورىندالدى.
