رەسەي اسكەرى ۋكراينانىڭ حاركوۆ وبلىسىندا جولاۋشىلار پويىزىنا درونمەن شابۋىل جاسادى, دەپ حابارلايدى «ادىرنا» ءتىلشىسى.
پويىز بارۆينكوۆو — لۆوۆ — چوپ مارشرۋتى بويىنشا جۇرگەن. شابۋىل لوكوموتيۆ پەن جولاۋشى ۆاگونىنا جاسالعان.
حاركوۆ وبلىستىق پروكۋراتۋراسى سەيسەنبى كۇنى كەشكە بولعان شابۋىلدان كەيىن كەمىندە بەس ادامنىڭ دەنە قالدىقتارى تابىلعانىن مالىمدەدى. جالپى پويىزدا 200-دەن استام ادام بولعان.
رەسمي دەرەكتەرگە سۇيەنسەك، ەكى درون پويىز ماڭىندا جارىلىپ، بىرەۋى ۆاگونعا تيگەن. ۋكراينا توتەنشە جاعدايلار قىزمەتى ءبىر ۆاگوننىڭ تولىق، ال ەكىنشىسىنىڭ جارتىلاي ورتەنگەنىن حابارلادى. قۇتقارۋ قىزمەتتەرى ءورتتى ءسوندىرىپ، جولاۋشىلاردى قاۋىپسىز جەرگە ەۆاكۋاتسيالاعان.
ەل پرەزيدەنتى ۆلاديمير زەلەنسكي جولاۋشىلار پويىزىنا جاسالعان شابۋىلدى «تەرروريزم» دەپ اتادى. قازىرگى تاڭدا حاركوۆ وبلىسىندا قاۋىپسىزدىك شارالارى كۇشەيتىلىپ، تەمىرجول قوزعالىسى ۋاقىتشا شەكتەلدى.
