توكيو ۋنيۆەرسيتەتى الەمدەگى ەڭ قاۋىپتى زوونوزدىق اۋرۋلاردىڭ ءبىرى سانالاتىن نيپاح ۆيرۋسىنا قارسى ۆاكتسينانىڭ كلينيكالىق سىناقتارىن باستايتىنىن مالىمدەدى، دەپ حابارلايدى "ادىرنا" ۇلتتىق پورتالى.
جاپونيانىڭ Nikkei باسىلىمىنىڭ جازۋىنشا، زەرتتەۋدىڭ العاشقى كەزەڭى ءساۋىر ايىندا باستالىپ، بەلگيا اۋماعىندا وتەدى. ۆاكتسينانى توكيو ۋنيۆەرسيتەتىنىڭ الدىڭعى قاتارلى عىلىمدار مەن تەحنولوگيالار عىلىمي-زەرتتەۋ ورتالىعى ازىرلەپ جاتىر.
عالىمداردىڭ ايتۋىنشا، جاڭا ۆاكتسينا نيپاح ۆيرۋسىن جۇقتىرۋدىڭ الدىن الۋعا مۇمكىندىك بەرۋى مۇمكىن. اتالعان ۆيرۋسقا قاتىستى سوڭعى رەت قاڭتار ايىندا ءۇندىستاندا جاڭا وشاقتار تىركەلگەن.
قازىرگى تاڭدا نيپاح ۆيرۋسىنا قارسى ماقۇلدانعان ءارى ءتيىمدى ۆاكتسينا جوق. ال بۇل ينفەكتسيانى جۇقتىرعان جاعدايدا ءولىم-ءجىتىم دەڭگەيى وتە جوعارى.
نيپاح ۆيرۋسى جانۋارلاردان ادامعا جۇعادى جانە اسا قاۋىپتى ينفەكتسيالار قاتارىنا جاتادى. ونىڭ تابيعي تاسىمالداۋشىلارى — تروپيكالىق ورمانداردا مەكەندەيتىن ءىرى جەمىسقور جارقاناتتار. اۋرۋ جۇيكە جۇيەسى مەن تىنىس الۋ مۇشەلەرىن زاقىمداۋى مۇمكىن.
ەگەر كلينيكالىق سىناقتار ءساتتى وتسە، بۇل ۆاكتسينا بولاشاقتاعى ىندەتتەردىڭ الدىن الۋدا جانە جاھاندىق ەپيدەميولوگيالىق قاۋىپتەردى تومەندەتۋدە ماڭىزدى ءرول اتقارۋى ىقتيمال.
