قازاقستاندا 2019 جىلى ەكپەدەن باس تارتۋدىڭ 6003 وقيعاسى تىركەلدى. بۇل - بارلىق كليەنتتەردىڭ ءبىر پايىزدان كەمى. ەلورداداعى №4 ەمحانانىڭ پەدياتريا ءبولىمىنىڭ مەڭگەرۋشىسى ۆيكتوريا ۆينيچەنكو وسىلاي ءمالىم ەتتى، دەپ حابارلايدى "ادىرنا" قازاقپاراتقا سىلتەمە جاساپ.
«سوڭعى جىلدارى بارشا الەمدەگى سياقتى قازاقستاندا دا ەكپەلەرگە قاتىستى ءارتۇرلى پىكىرلەر ايتىلۋدا. اتاپ ايتقاندا، ۆاكتسينالاۋ ارقاسىندا كەيبىر اۋرۋ تۇرلەرى تولىقتاي جويىلدى دەسەك تە بولادى»، - دەدى ۆ. ۆينيچەنكو قازاقستانداعى مىندەتتى ەكپە ماسەلەسىن تالقىلاۋعا ارنالعان ونلاين كونفەرەنتسيادا.
ونىڭ پايىمىنشا، ۆاكتسيناعا قاتىستى قاتە نەمەسە ورىنسىز پىكىرلەر تاراپ ءجۇر.
«قازاقستاندا ەكپەدەن باس تارتاتىندار سانى وتە كوپ دەگەن جالعان مالىمەت. 2019 جىلى ۆاكتسينادان باس تارتۋدىڭ 6 003 فاكتىسى تىركەلدى، بۇل ءوز كەزەگىندە 1 پايىزدان كەم، ياعني 0,12 پايىز شاماسىندا»، - دەپ ناقتىلادى دارىگەر.
ونىڭ ايتۋىنشا، اتالعان مەرزىمدە 4 841 334 بالاعا ەكپە جاسالدى، سونىڭ ىشىندە يممۋنيزاتسيادان كەيىن قولايسىز كورىنىستەر 143 بالادا (0,003 پايىز) بايقالدى. «فاكتىگە سۇيەنسەك، 2019 جىلى قازاقستاندا جاراقاتتان كوز جۇمعان بالالار سانى 1 200 بولسا، ال ۆاكتسينادان – 0»، - دەدى ۆيكتوريا ۆينيچەنكو.
"ادىرنا" ۇلتتىق پورتالى
