Qazaqstanda 2019 jyly ekpeden bas tartudyŋ 6003 oqiǧasy tırkeldı. Būl - barlyq klientterdıŋ bır paiyzdan kemı. Elordadaǧy №4 emhananyŋ pediatriia bölımınıŋ meŋgeruşısı Viktoriia Vinichenko osylai mälım ettı, dep habarlaidy "Adyrna" QazAqparatqa sılteme jasap.
«Soŋǧy jyldary barşa älemdegı siiaqty Qazaqstanda da ekpelerge qatysty ärtürlı pıkırler aityluda. Atap aitqanda, vaksinalau arqasynda keibır auru türlerı tolyqtai joiyldy desek te bolady», - dedı V. Vinichenko Qazaqstandaǧy mındettı ekpe mäselesın talqylauǧa arnalǧan onlain konferensiiada.
Onyŋ paiymynşa, vaksinaǧa qatysty qate nemese orynsyz pıkırler tarap jür.
«Qazaqstanda ekpeden bas tartatyndar sany öte köp degen jalǧan mälımet. 2019 jyly vaksinadan bas tartudyŋ 6 003 faktısı tırkeldı, būl öz kezegınde 1 paiyzdan kem, iaǧni 0,12 paiyz şamasynda», - dep naqtylady därıger.
Onyŋ aituynşa, atalǧan merzımde 4 841 334 balaǧa ekpe jasaldy, sonyŋ ışınde immunizasiiadan keiın qolaisyz körınıster 143 balada (0,003 paiyz) baiqaldy. «Faktıge süiensek, 2019 jyly Qazaqstanda jaraqattan köz jūmǧan balalar sany 1 200 bolsa, al vaksinadan – 0», - dedı Viktoriia Vinichenko.
"Adyrna" ūlttyq portaly
Ūqsas jaŋalyqtar
