Qyzylorda oblysynda 12-18 jas aralyǧyndaǧy balalar jäne jüktı äielder men bala emızetın äielderge arnalǧan Pfizer vaksinasy salyna bastady, dep habarlaidy “Adyrna” ūlttyq portaly.
Aiqyn basylymynyŋ mälımetınşe, alǧaşqy bolyp medisinalyq kolledjdıŋ studentterı ekpe alǧan. Bügınge deiın 70 studenttıŋ ata-analary balalaryna vaksina saluǧa kelısım bergen körınedı.
«Bügınde barlyq emhanalarda daiyndyq jūmystary pysyqtalǧan. Arnaiy ortalyq qoimaǧa 2 toŋazytqyş äkelındı. Ötken aptada Pfizer-dıŋ 23 400 dozasy jetkızıldı. Ol ata-analardyŋ kelısımımen 12-18 jastaǧy jasöspırımderge, 16-37 apta aralyǧyndaǧy jüktı äielder men bosanǧanyna 42 kün bolǧan emızuşı äielderge salynady», – dedı oblystyq Densaulyq saqtau basqarmasy basşysynyŋ orynbasary Jangeldı Şaimbetov.
«Jalpy, Qyzylorda oblysy «jasyl» aimaqta. Öŋırde osy ındetpen auyrǧandardyŋ 96 paiyzy emdelıp şyqty» deidı aq halattylar.
Vaksinalau jūmystary bastalǧaly berı oblysta vaksinanyŋ 1 komponentın 385 601, ekınşı komponentın 320 783 adam alǧan.
”Adyrna” ūlttyq portaly
