قىزىلوردا وبلىسىندا 12-18 جاس ارالىعىنداعى بالالار جانە جۇكتى ايەلدەر مەن بالا ەمىزەتىن ايەلدەرگە ارنالعان Pfizer ۆاكتسيناسى سالىنا باستادى، دەپ حابارلايدى “ادىرنا” ۇلتتىق پورتالى.
ايقىن باسىلىمىنىڭ مالىمەتىنشە، العاشقى بولىپ مەديتسينالىق كوللەدجدىڭ ستۋدەنتتەرى ەكپە العان. بۇگىنگە دەيىن 70 ستۋدەنتتىڭ اتا-انالارى بالالارىنا ۆاكتسينا سالۋعا كەلىسىم بەرگەن كورىنەدى.
«بۇگىندە بارلىق ەمحانالاردا دايىندىق جۇمىستارى پىسىقتالعان. ارنايى ورتالىق قويماعا 2 توڭازىتقىش اكەلىندى. وتكەن اپتادا Pfizer-ءدىڭ 23 400 دوزاسى جەتكىزىلدى. ول اتا-انالاردىڭ كەلىسىمىمەن 12-18 جاستاعى جاسوسپىرىمدەرگە، 16-37 اپتا ارالىعىنداعى جۇكتى ايەلدەر مەن بوسانعانىنا 42 كۇن بولعان ەمىزۋشى ايەلدەرگە سالىنادى»، – دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جانگەلدى شايمبەتوۆ.
«جالپى، قىزىلوردا وبلىسى «جاسىل» ايماقتا. وڭىردە وسى ىندەتپەن اۋىرعانداردىڭ 96 پايىزى ەمدەلىپ شىقتى» دەيدى اق حالاتتىلار.
ۆاكتسينالاۋ جۇمىستارى باستالعالى بەرى وبلىستا ۆاكتسينانىڭ 1 كومپونەنتىن 385 601, ەكىنشى كومپونەنتىن 320 783 ادام العان.
”ادىرنا” ۇلتتىق پورتالى