QazVac ۆاكتسيناسى تۋرالى شەتەلدىك ماماندار قانداي پىكىر ءبىلدىردى؟

3133
Adyrna.kz Telegram

مەملەكەت باسشىسى قاسىم-جومارت توقاەۆ بۇۇ باس حاتشىسى انتونيۋ گۋتەرريشپەن كەلىسسوز جۇرگىزدى. ۆيدەو كونفەرەنتسيا تۇرىندە وتكەن كەزدەسۋدە قازاقستاننىڭ بىرىككەن ۇلتتار ۇيىمىمەن اراداعى ىنتىماقتاستىعىنىڭ باسىم باعىتتارى تالقىلاندى، دەپ حابارلادى اقوردا.

قوس تاراپ پاندەمياعا جانە كليماتتىڭ وزگەرۋىنە قارسى كۇرەسكە، سونداي-اق وڭىرلىك قاۋىپسىزدىك پەن تۇراقتىلىقتى قامتاماسىز ەتۋ ءۇشىن كۇش جۇمىلدىرۋعا ەرەكشە نازار اۋداردى.

پرەزيدەنت انتونيۋ گۋتەرريشتىڭ بۇۇ باسشىسى لاۋازىمىنا ەكىنشى مەرزىمگە ۇسىنعان كانديداتۋراسىن قازاقستاننىڭ قولدايتىنىن ايتتى.

قوس تاراپ اۋعانستانداعى احۋالعا بايلانىستى وڭىرلىك قاۋىپسىزدىك پەن تۇراقتىلىقتى قامتاماسىز ەتۋ ماسەلەسىن جان-جاقتى قاراستىردى. مەملەكەت باسشىسى اۋعانستانعا كورسەتىلەتىن كومەكتى جالعاستىرۋعا دايىن ەكەنىن جانە سول ەلدەگى تۇراقتىلىقتى قالپىنا كەلتىرۋگە باعىتتالعان حالىقارالىق ءىس-قيمىلدارعا اتسالىساتىنىن ايتتى.

بۇۇ باس حاتشىسى اتالعان ۇدەرىستى ىلگەرىلەتۋدەگى ورتالىق ازيا مەملەكەتتەرىنىڭ، سونىڭ ىشىندە قازاقستاننىڭ ايرىقشا ءرولىن اتاپ ءوتتى.

قاسىم-جومارت توقاەۆ بۇۇ باس حاتشىسىنا كوروناۆيرۋسقا قارسى كۇرەس جونىندە قابىلدانىپ جاتقان شارالار تۋرالى ايتتى. ونىڭ ىشىندە QazVac وتاندىق ۆاكتسيناسىنىڭ ازىرلەمەسى، وسى جىلدىڭ سوڭىنا دەيىن حالىقتىڭ 55%-ىنە ەكپە سالۋ جوسپارىن جەتكىزدى.

انتونيۋ گۋتەرريش كوروناۆيرۋس ىندەتىنە قارسى قازاقستاندىق ۆاكتسينانىڭ ازىرلەمەسىن جانە جاپپاي ەكپە سالۋ ناۋقانىنىڭ تابىستى جۇرگىزىلىپ جاتقانىن قۇپتادى.

بۇۇ باس حاتشىسى تەڭىزگە شىعاتىن جولى جوق دامۋشى ەلدەر توبىنا كىرەتىن مەملەكەتتەردىڭ مۇددەسىن قورعاۋعا باعىتتالعان قازاقستاننىڭ باستاماسىن قۇپتادى. بۇل اسىرەسە پاندەميا سالدارىنان تۋىنداعان داعدارىس كەزىندە وزەكتى بولىپ وتىر.

قازاقستان پرەزيدەنتى بيىل قاراشادا گلازگودا وتەتىن سور26 دۇنيەجۇزىلىك كليمات كونفەرەنتسياسىنا قاتىسۋعا نيەتتى ەكەنىن جەتكىزدى. اتالعان جيىن بارىسىندا 2060 جىلعا قاراي قازاقستاننىڭ كومىرتەگىنەن ادا ەل بولۋعا قول جەتكىزۋ جونىندەگى جاڭارتىلعان ۇلتتىق شارالارى جاريالانادى.

ال انتونيۋ گۋتەرريش قازاقستاننىڭ يادرولىق قارۋعا قارسى جاھاندىق ماسەلەنى ىلگەرىلەتۋدەگى كوشباسشىلىعىن جوعارى باعالادى. مەملەكەت باسشىسى بۇۇ باس حاتشىسىن سەمەي پوليگونىنىڭ جابىلعانىنا 30 جىل تولۋىنا وراي تامىزدا ەلىمىزدە وتكىزىلەتىن حالىقارالىق كونفەرەنتسياعا شاقىردى.

 

 

پىكىرلەر