Memleket basshysy Qasym-Jomart Toqaev BUU Bas hatshysy Antonıý Gýterrıshpen kelissóz júrgizdi. Vıdeo konferenııa túrinde ótken kezdesýde Qazaqstannyń Birikken Ulttar Uıymymen aradaǵy yntymaqtastyǵynyń basym baǵyttary talqylandy, dep habarlady Aqorda.
Qos tarap pandemııaǵa jáne klımattyń ózgerýine qarsy kúreske, sondaı-aq óńirlik qaýipsizdik pen turaqtylyqty qamtamasyz etý úshin kúsh jumyldyrýǵa erekshe nazar aýdardy.
Prezıdent Antonıý Gýterrıshtiń BUU basshysy laýazymyna ekinshi merzimge usynǵan kandıdatýrasyn Qazaqstannyń qoldaıtynyn aıtty.
Qos tarap Aýǵanstandaǵy ahýalǵa baılanysty óńirlik qaýipsizdik pen turaqtylyqty qamtamasyz etý máselesin jan-jaqty qarastyrdy. Memleket basshysy Aýǵanstanǵa kórsetiletin kómekti jalǵastyrýǵa daıyn ekenin jáne sol eldegi turaqtylyqty qalpyna keltirýge baǵyttalǵan halyqaralyq is-qımyldarǵa atsalysatynyn aıtty.
BUU Bas hatshysy atalǵan úderisti ilgeriletýdegi Ortalyq Azııa memleketteriniń, sonyń ishinde Qazaqstannyń aıryqsha rólin atap ótti.
Qasym-Jomart Toqaev BUU Bas hatshysyna koronavırýsqa qarsy kúres jóninde qabyldanyp jatqan sharalar týraly aıtty. Onyń ishinde QazVac otandyq vakınasynyń ázirlemesi, osy jyldyń sońyna deıin halyqtyń 55%-ine ekpe salý josparyn jetkizdi.
Antonıý Gýterrısh koronavırýs indetine qarsy qazaqstandyq vakınanyń ázirlemesin jáne jappaı ekpe salý naýqanynyń tabysty júrgizilip jatqanyn quptady.
BUU Bas hatshysy teńizge shyǵatyn joly joq damýshy elder tobyna kiretin memleketterdiń múddesin qorǵaýǵa baǵyttalǵan Qazaqstannyń bastamasyn quptady. Bul ásirese pandemııa saldarynan týyndaǵan daǵdarys kezinde ózekti bolyp otyr.
Qazaqstan prezıdenti bıyl qarashada Glazgoda ótetin SOR26 dúnıejúzilik klımat konferenııasyna qatysýǵa nıetti ekenin jetkizdi. Atalǵan jıyn barysynda 2060 jylǵa qaraı Qazaqstannyń kómirteginen ada el bolýǵa qol jetkizý jónindegi jańartylǵan ulttyq sharalary jarııalanady.
Al Antonıý Gýterrısh Qazaqstannyń ıadrolyq qarýǵa qarsy jahandyq máseleni ilgeriletýdegi kóshbasshylyǵyn joǵary baǵalady. Memleket basshysy BUU Bas hatshysyn Semeı polıgonynyń jabylǵanyna 30 jyl tolýyna oraı tamyzda elimizde ótkiziletin halyqaralyq konferenııaǵa shaqyrdy.
