Memleket basşysy Qasym-Jomart Toqaev BŪŪ Bas hatşysy Antoniu Guterrişpen kelıssöz jürgızdı. Video konferensiia türınde ötken kezdesude Qazaqstannyŋ Bırıkken Ūlttar Ūiymymen aradaǧy yntymaqtastyǧynyŋ basym baǧyttary talqylandy, dep habarlady Aqorda.
Qos tarap pandemiiaǧa jäne klimattyŋ özgeruıne qarsy küreske, sondai-aq öŋırlık qauıpsızdık pen tūraqtylyqty qamtamasyz etu üşın küş jūmyldyruǧa erekşe nazar audardy.
Prezident Antoniu Guterriştıŋ BŪŪ basşysy lauazymyna ekınşı merzımge ūsynǧan kandidaturasyn Qazaqstannyŋ qoldaitynyn aitty.
Qos tarap Auǧanstandaǧy ahualǧa bailanysty öŋırlık qauıpsızdık pen tūraqtylyqty qamtamasyz etu mäselesın jan-jaqty qarastyrdy. Memleket basşysy Auǧanstanǧa körsetıletın kömektı jalǧastyruǧa daiyn ekenın jäne sol eldegı tūraqtylyqty qalpyna keltıruge baǧyttalǧan halyqaralyq ıs-qimyldarǧa atsalysatynyn aitty.
BŪŪ Bas hatşysy atalǧan üderıstı ılgerıletudegı Ortalyq Aziia memleketterınıŋ, sonyŋ ışınde Qazaqstannyŋ airyqşa rölın atap öttı.
Qasym-Jomart Toqaev BŪŪ Bas hatşysyna koronavirusqa qarsy küres jönınde qabyldanyp jatqan şaralar turaly aitty. Onyŋ ışınde QazVac otandyq vaksinasynyŋ äzırlemesı, osy jyldyŋ soŋyna deiın halyqtyŋ 55%-ıne ekpe salu josparyn jetkızdı.
Antoniu Guterriş koronavirus ındetıne qarsy qazaqstandyq vaksinanyŋ äzırlemesın jäne jappai ekpe salu nauqanynyŋ tabysty jürgızılıp jatqanyn qūptady.
BŪŪ Bas hatşysy teŋızge şyǧatyn joly joq damuşy elder tobyna kıretın memleketterdıŋ müddesın qorǧauǧa baǧyttalǧan Qazaqstannyŋ bastamasyn qūptady. Būl äsırese pandemiia saldarynan tuyndaǧan daǧdarys kezınde özektı bolyp otyr.
Qazaqstan prezidentı biyl qaraşada Glazgoda ötetın SOR26 düniejüzılık klimat konferensiiasyna qatysuǧa niettı ekenın jetkızdı. Atalǧan jiyn barysynda 2060 jylǧa qarai Qazaqstannyŋ kömırtegınen ada el boluǧa qol jetkızu jönındegı jaŋartylǧan ūlttyq şaralary jariialanady.
Al Antoniu Guterriş Qazaqstannyŋ iadrolyq qaruǧa qarsy jahandyq mäselenı ılgerıletudegı köşbasşylyǧyn joǧary baǧalady. Memleket basşysy BŪŪ Bas hatşysyn Semei poligonynyŋ jabylǧanyna 30 jyl toluyna orai tamyzda elımızde ötkızıletın halyqaralyq konferensiiaǧa şaqyrdy.
Ūqsas jaŋalyqtar
