اقش يراندىق ء«شاحيد» ۇشقىشسىز ۇشۋ اپپاراتىنىڭ كوزىن جويدى. بۇل تۋرالى اق ءۇيدىڭ ءباسپاسوز حاتشىسى كەرولاين لەۆيتت مالىمدەدى، دەپ حابارلايدى «ادىرنا» ءتىلشىسى.
«اقش ورتالىق قولباسشىلىعى يراندىق دروندى اتىپ ءتۇسىرۋ تۋرالى شەشىم قابىلدادى. ول ۇشقىشسىز بولعان جانە ءبىزدىڭ Abraham Lincoln اتتى اۋە تاسىمالداۋشى كەمەمىزگە قاتىستى اگرەسسيۆتى ارەكەت تانىتتى»، — دەدى لەۆيتت Fox News تەلەارناسىنا بەرگەن سۇحباتىندا.
ۆاشينگتوندا امەريكالىق اسكەري كۇشتەردىڭ بۇل ارەكەتى فلوتتىڭ قاۋىپسىزدىگىن قامتاماسىز ەتۋ تۇرعىسىنان قاجەت ءارى تولىقتاي نەگىزدەلگەن شەشىم دەپ باعالاندى.
بۇعان دەيىن اقش پرەزيدەنتى دونالد ترامپ يران باعىتىندا جىبەرىلگەن اسكەري-تەڭىز كۇشتەرى توبى جاقىن ارادا ايماققا جەتەتىنىن مالىمدەگەن بولاتىن.
25 قاڭتاردا ءيزرايلدىڭ «13-ارناسى» اقش-تىڭ Abraham Lincoln اۋە تاسىمالداۋشى كەمەسىنىڭ تاياۋ شىعىسقا، اراب تەڭىزى، ومان جاعالاۋىنا كەلگەنى تۋرالى حابارلاعان ەدى.
Tasnim باسىلىمىنىڭ جازۋىنشا، اقش پەن يران جاقىن ۋاقىتتا كەلىسسوزدەردى باستاۋى مۇمكىن. كەلىسسوزدەرگە يران سىرتقى ىستەر ءمينيسترى ابباس اراكچي مەن اقش پرەزيدەنتىنىڭ ارنايى وكىلى ستيۆ ۋيتكوففتىڭ قاتىسۋى ىقتيمال.
