قازاقستاندا ەر ادام اقش-تان بالالار ويىنشىقتارىنىڭ كەيپىندە ەسىرتكى الدىرعان، دەپ حابارلايدى “ادىرنا” ۇلتتىق پورتالى باس كولىك پروكۋراتۋراسىنا سىلتەمە جاساي وتىرىپ.
«مەملەكەتتىك ايىپتاۋشى سوتقا ايىپتالۋشى ازاماتقا قاتىستى «بالالار ويىنشىقتارى» دەگەن جەلەۋمەن قازاقستان اۋماعىندا ساتۋ جانە ماتەريالدىق پايدا الۋ ماقساتىندا اقش-تان حالىقارالىق پوشتا جونەتىلىمدەرى ارقىلى ەسىرتكى زاتتارىن تاپسىرىس بەرىپ، العانى تۋرالى بۇلتارتپاس دالەلدەر كەلتىردى»، - دەدى پروكۋراتۋرا.
پروكۋراتۋرانىڭ مالىمەتىنشە، وتكەن جىلدان باستاپ القابيلەردىڭ قاتىسۋىمەن قارالاتىن قىلمىستىق ىستەردىڭ اسا اۋىر ساناتىنىڭ تىزبەسى كەڭەيتىلگەن. ولاردىڭ قاتارىنا ەسىرتكى مەن پسيحوتروپتىق زاتتاردىڭ زاڭسىز اينالىمىنا بايلانىستى قىلمىستىق قۇقىق بۇزۋشىلىقتار كىرەدى.
2023 جىلدىڭ سوڭىندا القابيلەر ەسىرتكى كونترابانداسىمەن اينالىساتىن ا. ازاماتىنا قاتىستى ايىپتاۋ ۇكىمىن شىعاردى. ولاردىڭ ۇكىمى نەگىزىندە كىنالى 10 جىلعا 6 ايعا باس بوستاندىعىنان ايىرىلدى.
“ادىرنا” ۇلتتىق پورتالى
