رەسەيدە ديۆەرسيا جاسادى دەگەن كۇدىكپەن ەكى قازاقستاندىق ۇستالدى. بۇل تۋرالى لەنينگراد وبلىسىنىڭ لومونوسوۆ اۋداندىق سوتى ايتتى، دەپ حابارلايدى «ادىرنا» ءتىلشىسى.
تەرگەۋ مالىمەتى بويىنشا، 2006 جىلى تۋعان تاراز قالاسىنىڭ تۋمالارى «كۋراتورلاردىڭ» نۇسقاۋى بويىنشا لومونوسوۆ اۋدانىنداعى ۇيالى بايلانىس وپەراتورىنىڭ بازالىق ستانتسياسىنىڭ كوممۋتاتورىن ورتەپ جىبەگەن. قىلمىسقا قاتىسۋشىلار بۇل ىسكە ماتەريالدىق قيىن جاعدايعا جانە زاڭدى تابىس كوزىنىڭ بولماۋىنا بايلانىستى بارعان. ءورت قويۋ ءۇشىن ولارعا 40 مىڭ رۋبل سىياقى ۋادە ەتىلگەن.
فيگۋرانتتاردىڭ ءورت قويۋ ورنىنىڭ ماڭىنان تاكسيمەن قاشۋعا ارەكەت جاساعان كەزدە ۇستاعالعانى ايتىلادى. رەسەي فەدەراتسياسىنىڭ قىلمىستىق كودەكسىنىڭ 281-بابى، 2-ءبولىمى، «ا» تارماعى بويىنشا مۇنداي قۇقىقبۇزۋشىلارعا 12 جىلدان 20 جىلعا دەيىن باس بوستاندىعىنان ايىرۋ تۇرىندە جازا كوزدەلگەن.
قازاقستان ازاماتتارى بۇعان دەيىن دە رەسەيدە وسى باپ بويىنشا سوتتالعان. 2024 جىلعى شىلدەدە ماسكەۋ قالالىق سوتى الەكساندر ابرام مەن ەدۋارد بۋرديلوۆتى تەمىرجولداعى "ديۆەرسيا ءۇشىن" 13 جىلعا كولونياعا قاماعان.
ازىرگە سىرتقى ىستەر مينيسترلىگى بۇل جاعدايعا قاتىستى تۇسىنىكتەمە بەرمەدى.
