"پالاۋعا تالاسقان قازاقتاردىڭ ۆيدەوسى الەمدى شارلاپ كەتتى" - وڭعار قابدەن

2038
Adyrna.kz Telegram
ناۋرىز مەرەكەسىندە ءبىرىنىڭ ۇستىنە ءبىرى مىنبەلەپ، اق داستارحانداعى ادال استى ەرەكشە قارقىنمەن "تالان-تاراجىعا" سالعان قازاق ەلى تۇرعىندارىنىڭ ۆيدەولارى الەمدى شارلاپ كەتتى. پالاۋعا تالاسقان تۇرعىنداردىڭ ارەكەتىن شەتەلدىكتەر دە كورىپ، جاعاسىن ۇستاعان. جۋرناليست وڭعار قابدەن مۇنداي "مەشكەيلىك" جايىن شەتەلدىك دوستارى ايتقاندا ۇياتتان جەرگە كىرەرگە تەسىك تاپپاعانىن جەتكىزدى، دەپ حابارلايدى "ادىرنا" ۇلتتىق پورتالى. 
بۇل جايلى جۋرناليست وڭعار قابدەن:
- وتكەندە پاراقشامنان ۋكراينادان Aida Khametzhanova جىبەرگەن ۆيدەونى ءبارىڭىز كوردىڭىزدەر. قازاقتار تىككەن كيىز ءۇيدىڭ قاسىندا ۋكراين جىگىتى وزىنە بەرگەن ءبىر تارەلكا پالاۋدان ەكى-ءۇش قاسىق جەيدى دە، قالعانىن كىشكەنتاي قىزىنا بەرەدى.
قازاننىڭ قاسىنداعى پالاۋ سالىپ تۇرعان اعاي "كەل، تاعى دا سالىپ بەرەيىن. پالاۋ بار ءالى" دەسە انا جىگىت، "مەن وزىمدىكىن الدىم عوي. قازانداعى ول باسقالارىنىڭ نەسىبەسى" دەپ جاۋاپ بەرەدى. سول كەزدە قاتتى تاڭ قالىپ ەدىم. كوز الدىما بولاتتىڭ بەرگەن پالاۋىنا تالاسقان ءوزىمىزدىڭ حالىق كەلىپ، قاتتى ىڭعايسىزدانعانمىن.
سوسىن ءوزىمىزدى سولارمەن سالىستىرىپ سوعىس بولىپ جاتسا دا ارى مەن نامىسىن جويماعان حالىق ەكەن سۇيسىنگەنمىن، - دەپ وڭعار قابدەن ۋكراينا تۇرعىندارىنىڭ ۇستامدىلىعىن ءسوز ەتەدى. كەيىننەن ونى ناۋرىز مەرەكەسىندەگى تۇرعىنداردىڭ "اشكوزدىگىمەن" سالىستىرادى.
- كەشەگى "پالاۋ تالاستى" كورىپ جىلاعىم كەلدى. قۇداي-اۋ وتىز جىلدا نە بولىپ كەتكەنبىز؟
حالىق اش، جالاڭاش دەپ اقتاماي-اق قويىڭىزدار. ءبىر تارەلكە تاماق ءۇشىن افريكانىڭ وزىندە بۇلاي تالاسپايدى.
تەگىن تاماق، تاماق تاراتۋ دەگەن اكتسيانى توقتاتۋ كەرەك. جەتىمدەر ۇيىنە، قارتتار ۇيىنە بارىپ ىستە. مەشىتكە اپارىپ قاتىمحاناسىنا جاي داستارحاندى. ادام قۇساپ وتىرىپ جەسىن. نە مىناۋ؟ پالاۋعا تالاسقان قازاقتاردىڭ ۆيدەوسى الەمدى شارلاپ كەتتى.
باعانا ۋكراينادان حابارلاسقان جىگىتتەر شوك بولىپ جاتىر. نە ايتارىمدى دا بىلمەدىم، - دەپ قاپالاندى جۋرناليست.
وقىرماندار وڭعار قابدەندى قوستادى:
"بەسىكتەن باستاپ تۇزەتپەسە، مىناداي "مادەنيەتپەن" ەل بولۋ قيىن";
"قايىرىمدىلىقتى كورسەتىپ جاساماسىن. بۇل 1-2-دەن تاماققا تويدىرىپ، ءۇي اپەرۋ ەمەس، ياعني بالىق ەمەس، قارماق بەرۋدى باستايىق. جۇمىس كوزىن اشسىن. تيىنداپ سبوردان جمناپ بولسا دا جۇمىس كوزىن اشۋ، نە جۇمىسقا ۇيرەتەتىن كۋرستارعا وقىتىپ، كاسىپ باستاتىپ پا!؟";
ء"وز باسىم تەگىن ءۇي سالىپ، الىپ بەرگەندى قولدامايمىن. سونى كورگەن بالاسى ماسىل بولادى. 100%. بالا كورگەنىن جازىپ الادى ميىنا. ال ولاردى مىنە، مىنا بالالارى بار دەپ شيتتەي بالالاردى ەكرانعا شىعارۋ ول ءتىپتى ماسقارا";
"اس پەن تويدا دا داستارحاندى سىپىرىپ كەتەدى عوي";
"دۇرىس ايتاسىڭ! “پاتشاسى قۇزعىن بولعان ەلدىڭ، باسشىلارى ازعىن، حالقى توزعىن؟!” - بولعاننىڭ كەرى كەلىپ تۇر ءبىزدىڭ ەلگە؟! مويىنداۋ كەرەك! رۋحاني جاعىنان ازۋ عوي بۇل؟! ەسكى جۇرتباسى قۇرعان جۇيەنى تۇگەل قۇرتىپ، ءبىر اللاعا سيىنىپ، ءبارىن دە قايتادان باستاۋ كەرەك!"  دەپ جازدى وقىرماندار.
پىكىرلەر