استانادا №96 مەكتەپ-گيمنازياسىندا «تازا قازاقستان» باستاماسى اياسىندا وقۋشىلاردىڭ ەكولوگيالىق مادەنيەتىن قالىپتاستىرۋعا ارنالعان كەڭ اۋقىمدى ءىس-شارا ۇيىمداستىرىلدى، دەپ حابارلادى ەلوردا اكىمدىگىنىڭ رەسمي سايتى.
ءىس-شارانىڭ ماقساتى وقۋشىلاردىڭ قورشاعان ورتاعا جاۋاپكەرشىلىكپەن قاراۋىن قالىپتاستىرۋ، تابيعاتتى ايالاۋ مادەنيەتىن دامىتۋ جانە ەكولوگيالىق سانانى ارتتىرۋ بولدى.
ء«بىز «تازا قازاقستان» تاقىرىبىندا قالدىقتاردى قايتا وڭدەۋگە قاتىستى جۇمىس ازىرلەدىك. مەكتەبىمىزدە وقۋشىلار ءتۇرلى جاشىكتەرگە قوقىستاردى ءبولىپ سالادى. سونداي-اق سەنبىلىكتە اعاش وتىرعىزىپ، قوقىستاردى تازالايمىز»، – دەيدى وقۋشى اقەركە ەرجانقىزى.
ءىس-شارا بارىسىندا بىرنەشە تاقىرىپتىق كورمە وتكىزىلدى. «تابيعات – تىرشىلىك باستاۋى» كورمەسىندە وقۋشىلار ءوز ۇيلەرىندە كۇتىپ-باپتاپ جۇرگەن شاعىن جانۋارلارىن تانىستىرىپ، ولاردى كۇتۋ مەن كۇتىم جاساۋ جولدارى تۋرالى اقپارات بەردى.
«قايتا وڭدەۋ – بولاشاققا قادام» كورمەسىندە وقۋشىلار مەن اتا-انالار تۇرمىستىق قالدىقتاردان جاسالعان قولدانبالى بۇيىمدارىن ۇسىنىپ، قالدىقتاردى قايتا وڭدەۋدىڭ ماڭىزىن كورسەتتى. ال «توپىراقسىز ءوسىم – جاڭا تەحنولوگيا» كورمەسىندە وسىمدىكتەردى توپىراقسىز ءوسىرۋدىڭ زاماناۋي ءارى ەكولوگيالىق تازا ادىستەرى تانىستىرىلدى.
كورمەلەردەن كەيىن كونتسەرتتىك باعدارلاما ءوتتى. باعدارلاما اياسىندا وقۋشىلار ولەڭ وقىپ، ءان ايتتى. سونداي-اق «تازا قازاقستان» باعىتى بويىنشا اتقارىلعان جۇمىستاردى قامتىعان بەينەروليك كورسەتىلدى.
ءىس-شاراعا بەلسەندى قاتىسقان وقۋشىلار ارنايى ماقتاۋ قاعازدارىمەن ماراپاتتالدى. اتالعان باستاما مەكتەپتىڭ تاربيە جۇمىسى جۇيەسىندە ەكولوگيالىق باعىتتى نىعايتۋعا جانە جاس ۇرپاقتىڭ تابيعاتقا دەگەن جاۋاپكەرشىلىگىن ارتتىرۋعا ىقپال ەتتى.
