Astanada №96 mektep-gimnaziiasynda «Taza Qazaqstan» bastamasy aiasynda oquşylardyŋ ekologiialyq mädenietın qalyptastyruǧa arnalǧan keŋ auqymdy ıs-şara ūiymdastyryldy, dep habarlady elorda äkımdıgınıŋ resmi saity.
Is-şaranyŋ maqsaty oquşylardyŋ qorşaǧan ortaǧa jauapkerşılıkpen qarauyn qalyptastyru, tabiǧatty aialau mädenietın damytu jäne ekologiialyq sanany arttyru boldy.
«Bız «Taza Qazaqstan» taqyrybynda qaldyqtardy qaita öŋdeuge qatysty jūmys äzırledık. Mektebımızde oquşylar türlı jäşıkterge qoqystardy bölıp salady. Sondai-aq senbılıkte aǧaş otyrǧyzyp, qoqystardy tazalaimyz», – deidı oquşy Aqerke Erjanqyzy.
Is-şara barysynda bırneşe taqyryptyq körme ötkızıldı. «Tabiǧat – tırşılık bastauy» körmesınde oquşylar öz üilerınde kütıp-baptap jürgen şaǧyn januarlaryn tanystyryp, olardy kütu men kütım jasau joldary turaly aqparat berdı.
«Qaita öŋdeu – bolaşaqqa qadam» körmesınde oquşylar men ata-analar tūrmystyq qaldyqtardan jasalǧan qoldanbaly būiymdaryn ūsynyp, qaldyqtardy qaita öŋdeudıŋ maŋyzyn körsettı. Al «Topyraqsyz ösım – jaŋa tehnologiia» körmesınde ösımdıkterdı topyraqsyz ösırudıŋ zamanaui ärı ekologiialyq taza ädısterı tanystyryldy.
Körmelerden keiın konserttık baǧdarlama öttı. Baǧdarlama aiasynda oquşylar öleŋ oqyp, än aitty. Sondai-aq «Taza Qazaqstan» baǧyty boiynşa atqarylǧan jūmystardy qamtyǧan beinerolik körsetıldı.
Is-şaraǧa belsendı qatysqan oquşylar arnaiy maqtau qaǧazdarymen marapattaldy. Atalǧan bastama mekteptıŋ tärbie jūmysy jüiesınde ekologiialyq baǧytty nyǧaituǧa jäne jas ūrpaqtyŋ tabiǧatqa degen jauapkerşılıgın arttyruǧa yqpal ettı.
