ۆاشينگتون رەسەي، قىتاي جانە باسقا دا ەلدەرمەن الەمدەگى يادرولىق قارۋ قورىن قىسقارتۋ باعىتىندا جۇمىس ىستەۋگە دايىن. بۇل تۋرالى اقش ۆيتسە-پرەزيدەنتى دجەي دي ۆەنس جۋرناليست مەگين كەلليگە بەرگەن سۇحباتىندا ايتتى، دەپ حابارلايدى. «ادىرنا» ءتىلشىسى.
ء«بىز قىتاي، رەسەي جانە الەمدە يادرولىق قارۋ سانىن ازايتۋعا نيەتتى كەز كەلگەن ەلمەن ىنتىماقتاسۋعا دايىنبىز. ونىڭ بىزگە دوس نە باسەكەلەس ەكەنىن ماڭىزدى ەمەس. مەنىڭ ويىمشا، بۇل الەمدەگى بەيبىتشىلىك پەن تۇراقتىلىق ءۇشىن جاسالاتىن ەڭ ماڭىزدى قادام»، — دەدى ۆەنس.
سونىمەن قاتار اقش ۆيتسە-پرەزيدەنتى يران يادرولىق قارۋ جاساپ شىعارعان جاعدايدا ونىڭ تارالۋ قاۋپى كۇشەيەتىنىنە الاڭداۋشىلىق ءبىلدىردى.
«ەگەر يران يادرولىق قارۋعا قول جەتكىزسە، كەلەسى كەزەكتە كىم يادرولىق قارۋعا يە بولاتىنىن بىلەسىز بە؟ ول – ساۋد ارابياسى. ودان كەيىن پارسى شىعاناعىنداعى باسقا دا اراب ەلدەرىنىڭ بىرىنە كەزەك كەلەدى. بۇل يادرولىق قارۋدىڭ بۇكىل الەمگە تارالۋىنا اكەلەدى»، — دەپ ەسەپتەيدى ۆەنس.
ول سونداي-اق اقش پرەزيدەنتى دونالد ترامپ يرانمەن ماسەلەنى بەيبىت جولمەن كەلىسۋگە تىرىساتىنىن جەتكىزدى. ال ەگەر بۇل مۇمكىن بولماي، جالعىز جول كۇش قولدانۋ بولىپ قالسا، ترامپتىڭ بۇل قادامعا باراتىنى ايتىلدى.
