قىتايدا الەمدەگى ەڭ ۇلكەن جۇك كوتەرگىشتىگى بار اۆتوموبيل تاسىمالداۋشى كەمەسى "انتسزي انشەن" بەيسەنبى كۇنى كەشكە شانحاي پورتىنان شىعىپ، العاشقى رەيسىنە اتتاندى. ول قىتايدا وندىرىلگەن شامامەن 7000 اۆتوكولىكتى ەۋروپاعا تاسىمالدايدى، دەپ حابارلايدى “ادىرنا” ۇلتتىق پورتالى سينحۋا اگەنتتىگىنە سىلتەپ.
اۆتوتاسىمالداۋشىنىڭ شانحايدان كەتۋى قىتايلىق كەمە جاساۋ ءۇشىن جاڭا كەزەڭ بولدى، سەبەبى "انتسزي انشەن" جۇك كوتەرگىشتىگى بويىنشا بىرنەشە اپتا بۇرىن قىتايلىق اۆتوگيگانت BYD جاساعان "شەنچجەن" كەمەسىنىڭ ورنىن باستى. بۇعان دەيىن الەمدەگى ەڭ ۇلكەن اۆتوموبيل تاسىمالداۋشى رەتىندە "شەنچجەن" جۇمىس ىستەپ كەلدى.
"رەكوردتىڭ ءبىر ايدان از ۋاقىت ىشىندە قايتا جاڭارۋى قىتايدىڭ ورتا جانە جوعارى تەحنولوگيالىق ءوندىرىسىنىڭ قارقىندى دامۋىن عانا ەمەس، سونىمەن قاتار حالىقارالىق
SAIC Anji Logistics Co.، Ltd. كومپانياسىنىڭ باس ديرەكتورى چجۋان ءتسزينسيۋننىڭ ايتۋىنشا، "انتسزي انشەن" كەمەسىنىڭ ۇزىندىعى 228 مەتر، ەنى 37,8 مەتر، جانە ول 9500 ستاندارتتى اۆتوكولىك ورنىنا يە.
كەمەدە الدىڭعى قاتارلى ەنەرگيا ۇنەمدەۋ تەحنولوگيالارى مەن ينتەللەكتۋالدى تومەن كومىرتەكتى جۇيەلەر ينتەگراتسيالانعان، بۇل ونى الەمدىك دەڭگەيدەگى ەنەرگيا تيىمدىلىگىنە جەتكىزەدى. سونىمەن قاتار، اۆتوموبيل تاسىمالداۋشىنىڭ قۇرىلىسىندا مەتانولمەن جانارماي قۇيۋ مۇمكىندىگى قاراستىرىلعان، بۇل بولاشاقتا كەمەنىڭ كومىرتەك بەيتاراپتىعىنا نەگىز قالادى.
