جاڭاوزەندە Mercedes ماركالى اۆتوكولىكتىڭ جۇرگىزۋشىسى جاياۋ جۇرگىنشىگە لاس سۋ شاشقانى ءۇشىن 86 500 تەڭگە كولەمىندە ايىپپۇل تولەۋگە مىندەتتەلدى، دەپ حابارلايدى "ادىرنا" ۇلتتىق پورتالى.
بۇل تۋرالى ماڭعىستاۋ وبلىستىق سوتىنىڭ ءباسپاسوز قىزمەتى مالىمدەدى.
وقيعا 2025 جىلعى 28 جەلتوقساندا بوستاندىق شاعىناۋدانىندا بولدى. سوت ماتەريالدارىنا سايكەس، ازامات ە. اۆتوكولىكتى باسقارۋ كەزىندە ازاماتشا گ.-عا لاس سۋ شاشقان. بۇل ارەكەت قوعامدىق ءتارتىپتى بۇزۋ جانە قوعامدىق ورىندا وزگەلەرگە سىيلاستىق تانىتپاۋ دەپ تانىلدى.
سوت وتىرىسىندا جۇرگىزۋشى كىناسىن مويىنداپ، وكىنەتىنىن ايتىپ، ايىپپۇل سالۋدى ءوتىندى. ونىڭ كىناسىن زارداپ شەككەننىڭ ايعاقتارى، اكىمشىلىك قۇقىق بۇزۋشىلىق تۋرالى حاتتاما، فوتوماتەريالدار جانە باسقا دالەلدەر راستادى.
سوت ازامات ە.-ءنى قر اقبتك-ءنىڭ 434-بابىنىڭ 1-بولىگى بويىنشا كىنالى دەپ تانىپ، ايىپپۇل سالۋ تۋرالى شەشىم قابىلدادى. شەشىم زاڭدى كۇشىنە ەندى.
