پرەزيدەنت قاسىم-جومارت توقاەۆ مەملەكەتتىك كومپانيالار، ونىڭ ىشىندە «سامۇرىق-قازىنا» قورىنداعى ارتىق شتات ماسەلەسىن كوتەردى، دەپ حابارلايدى "ادىرنا" ۇلتتىق پورتالى.
مەملەكەت باسشىسى كەيبىر قىزمەتكەرلەردىڭ ناقتى پايدالى جۇمىس اتقارمايتىنىن اتاپ ءوتتى.
پرەزيدەنتتىڭ ايتۋىنشا، مۇنداي كادرلار جۇيەگە ارتىق سالماق ءتۇسىرىپ، ناقتى ناتيجە بەرمەيدى. ول مەملەكەتتىك كومپانيالاردىڭ قۇرىلىمىن قايتا قاراپ، تيىمدىلىگىن ارتتىرۋ قاجەتتىگىن ايتتى.
سونىمەن قاتار مەملەكەت باسشىسى كەيبىر قىزمەتكەرلەر جۇمىس ۋاقىتىن ءتيىمسىز وتكىزەتىنىن سىنعا الدى. ونىڭ سوزىنشە، كەيبىرى تۇسكى ۋاقىتتا كافە مەن قوناقۇيلەردە وتىرىپ، جاڭالىق تالقىلاپ، ينتەرنەتتە ۋاقىت وتكىزەدى.
پرەزيدەنت مۇنداي جاعدايلار مەملەكەتتىك كومپانيالاردىڭ جۇمىسىنا كەرى اسەر ەتۋى مۇمكىن ەكەنىن ەسكەرتىپ، باسقارۋ جۇيەسىن وڭتايلاندىرۋدىڭ ماڭىزىن اتاپ ءوتتى.
