قازاقستانداعى قاشاعان كەن ورنى جوباسىن يگەرىپ وتىرعان ءىرى مۇناي كومپانيالارى 2,3 ترلن تەڭگەلىك ەكولوگيالىق ايىپپۇل ماسەلەسى بويىنشا حالىقارالىق اربيتراجعا ءوتىنىش بەردى، دەپ حابارلايدى "ادىرنا" ۇلتتىق پورتالى Kursiv-كە سىلتەپ.
ماسەلە استاناداعى سوتتىڭ كومپانيالاردىڭ ايىپپۇلدى جويۋ تۋرالى شاعىمىن قاناعاتتاندىرماۋىنان كەيىن ۋشىعا تۇسكەن. سونىمەن قاتار، قازاقستان ۇكىمەتى قاشاعان ماڭىنداعى يگەرىلمەگەن اقتوتى مەن قايران كەن ورىندارىن مەملەكەت مەنشىگىنە قايتارۋ تالابىمەن بولەك اربيتراجدىق ءىس قوزعاپ وتىر.
Bloomberg دەرەگىنشە، بۇل داۋلار قازاقستان مەن مۇناي الپاۋىتتارى اراسىنداعى قاشاعانعا قاتىستى جالپى كولەمى 166 ملرد دوللاردى قۇرايتىن ءىرى كەلىسپەۋشىلىكتىڭ ءبىر بولىگى بولىپ تابىلادى. داۋلار جوعالعان تابىس، شىعىنداردى وتەۋ جانە ەكولوگيالىق تالاپتارعا بايلانىستى.
ەكولوگيالىق ايىپپۇل كۇكىرتتى ساقتاۋ ەرەجەلەرىن بۇزۋ نەگىزىندە بەرىلگەن. قاشاعان كەن ورنىن باسقاراتىن North Caspian Operating Company (NCOC) كومپانياسى تالاپتاردى ساقتاعانىن مالىمدەگەن. قازاقستاننىڭ جاۋاپتى ۆەدومستۆولارى بۇل تاقىرىپتا ازىرگە پىكىر بىلدىرگەن جوق.
