قازاقستاندىقتار اراسىندا قوسىمشا جاردەماقى تۋرالى جالعان اقپارات تارادى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەر مەن چاتتاردا 2026 جىلى قازاقستان ازاماتتارىنا 432 500 تەڭگە كولەمىندە تولەم جاسالاتىنى تۋرالى اقپارات تارالا باستادى. اقپاراتقا سايكەس، اقشا تابىسى 232 000 تەڭگەدەن از وتباسىلارعا جانە بەلگىلى اۋرۋلارى بار ادامدارعا بەرىلۋى ءتيىس.
الايدا ەڭبەك جانە حالىقتى الەۋمەتتىك قورعاۋ مينيسترلىگى بۇل مالىمەتتىڭ شىندىققا سايكەس ەمەستىگىن ايتتى. زاڭنامادا مۇنداي تولەم قاراستىرىلماعان.
«مۇنداي حابارلامالاردى كوبىنە الاياقتار ازاماتتاردىڭ جەكە دەرەكتەرىنە قول جەتكىزۋ ءۇشىن پايدالانادى. ساق بولۋ كەرەك: كۇماندى سىلتەمەلەرگە ءوتىپ، جەكە دەرەكتەرىڭىزدى ءۇشىنشى تۇلعالارعا بەرمەۋ قاجەت»، – دەپ ەسكەرتتى ۆەدومستۆو.
رەسمي اقپارات تەك 1414 نومىرىنەن كەلەدى جانە مەملەكەتتىك ورگانداردىڭ رەسمي سايتتارىندا جاريالانادى.
