Qazaqstandyqtar arasynda qosymşa järdemaqy turaly jalǧan aqparat tarady, dep habarlaidy "Adyrna" ūlttyq portaly.
Äleumettık jelıler men chattarda 2026 jyly Qazaqstan azamattaryna 432 500 teŋge kölemınde tölem jasalatyny turaly aqparat tarala bastady. Aqparatqa säikes, aqşa tabysy 232 000 teŋgeden az otbasylarǧa jäne belgılı aurulary bar adamdarǧa berıluı tiıs.
Alaida eŋbek jäne halyqty äleumettık qorǧau ministrlıgı būl mälımettıŋ şyndyqqa säikes emestıgın aitty. Zaŋnamada mūndai tölem qarastyrylmaǧan.
«Mūndai habarlamalardy köbıne alaiaqtar azamattardyŋ jeke derekterıne qol jetkızu üşın paidalanady. Saq bolu kerek: kümändı sıltemelerge ötıp, jeke derekterıŋızdı üşınşı tūlǧalarǧa bermeu qajet», – dep eskerttı vedomstvo.
Resmi aqparat tek 1414 nömırınen keledı jäne memlekettık organdardyŋ resmi saittarynda jariialanady.
