شىمكەنتتە كامەلەتكە تولماعان قىزعا ءتيىستى دەگەن كۇدىكپەن 36 جاستاعى ازامات ۇستالدى، دەپ حابارلايدى "ادىرنا" ۇلتتىق پورتالى.
باق دەرەگىنشە، وقيعا 25 اقپاندا مەكتەپ اۋماعىندا بولعانى ايتىلادى.
جابىرلەنگەن بالانىڭ اناسى وقيعا تۋرالى بايانداپ، ارىز جازعان.
ونىڭ سوزىنشە، قىزى ساباقتان كەيىن ۇيگە كەلگەندە كۇدىكتى تۋرالى ايتقان.
"مەنىڭ 7 جاسار قىزىما اعايى تيىسكەن. ساعات 12:40 شاماسىندا ساباقتان كەلدى. ءوڭى ءبىرتۇرلى، كوزىنە جاس تولىپ تۇر. قىزىم، نە بولدى دەپ سۇراپ ەدىم، "ۇيات قوي، ماما" دەپ ايتقىسى كەلمەي تۇر. سودان جاعدايدى دۇرىستاپ سۇراي باستادىم", - دەلىنگەن اناسىنىڭ جازباسىندا.
كۇدىكتى پوليتسيا بولىمىنە جەتكىزىلگەن. قازىرگى ۋاقىتتا جەدەل-تەرگەۋ توبى ءىستىڭ بارلىق ءمان-جايىن جان-جاقتى ءارى وبەكتيۆتى انىقتاۋعا باعىتتالعان كەشەندى شارالار جۇرگىزۋدە.
