بينيامين نەتانياحۋ اقش پەن ءيزرايلدىڭ يران اۋماعىنا جاساعان سوققىلارىنان كەيىن ەل ازاماتتارىنا ارنايى ۇندەۋ جولدادى، دەپ حابارلايدى "ادىرنا" ۇلتتىق پورتالى.
ۇندەۋىندە ول اتالعان اسكەري وپەراتسيانىڭ ماقساتى – يزرايل مەن ونىڭ وداقتاستارىنا تونگەن قاۋىپتىڭ الدىن الۋ ەكەنىن اتاپ ءوتتى. سونداي-اق نەتانياحۋ اقش پرەزيدەنتى دونالد ترامپ-قا قولداۋ كورسەتكەنى ءۇشىن العىس ءبىلدىردى.
پرەمەر-ءمينيستردىڭ سوزىنشە، يرانداعى قازىرگى ساياسي رەجيم ۇزاق جىلدار بويى ايماقتاعى تۇراقسىزدىقتىڭ نەگىزگى فاكتورلارىنىڭ ءبىرى بولىپ كەلەدى جانە ونىڭ ارەكەتتەرى حالىقارالىق قاۋىپسىزدىككە قاتەر توندىرەدى. ول يادرولىق قارۋعا قول جەتكىزۋگە جول بەرمەۋ قاجەتتىگىن ەرەكشە اتاپ ءوتتى.
سونىمەن قاتار نەتانياحۋ بۇل قادام يران حالقىنىڭ بولاشاعىنا دا اسەر ەتەتىنىن ايتىپ، ەل تۇرعىندارىنىڭ ءوز تاعدىرىن وزدەرى ايقىنداۋىنا مۇمكىندىك تۋىندايتىنىن جەتكىزدى.
ۇندەۋ بارىسىندا يزرايل ۇكىمەت باسشىسى ازاماتتاردى قاۋىپسىزدىك تالاپتارىن ساقتاۋعا شاقىرىپ، الداعى كەزەڭدە سابىرلىق پەن بىرلىك ماڭىزدى ەكەنىن ايتتى.
ونىڭ ايتۋىنشا، جاريالانعان اسكەري وپەراتسيا اياسىندا ەل تۇرعىندارىنا قىراعىلىق تانىتىپ، رەسمي ورگانداردىڭ نۇسقاۋلارىن قاتاڭ ورىنداۋ قاجەت.
