الماتىدا بىرقاتار ءىرى ونەركاسىپ كاسىپورىندارىنىڭ ەڭبەك ۇجىمدارى جاڭا كونستيتۋتسيا جوباسىن جانە 15 ناۋرىزدا وتەتىن الداعى رەسپۋبليكالىق رەفەرەندۋمدى قولدايتىندارىن ءبىلدىردى.
باستاماعا «اقساي» نان-توقاش ونىمدەرى كومبيناتىنىڭ قىزمەتكەرلەرى قوسىلدى. كاسىپورىننىڭ دامۋ جانە تەحنيكالىق ماسەلەلەر جونىندەگى ديرەكتوردىڭ ورىنباسارى مارلەن شومشىكباەۆ الدا بولاتىن ماڭىزدى وقيعانىڭ ەلدىڭ ودان ءارى دامۋى ءۇشىن شەشۋشى مانگە يە ەكەنىن اتاپ ءوتتى.
– ءبىز ەلىمىز ءۇشىن ماڭىزدى كەزەڭنىڭ قارساڭىندا تۇرمىز. ۇسىنىلىپ وتىرعان جاڭا كونستيتۋتسيا – مەملەكەتىمىزدىڭ ەرتەڭگى دامۋ باعىتىن ايقىندايتىن نەگىزگى قۇجات. ول ادىلەتتىلىك، زاڭ ۇستەمدىگى، ازاماتتاردىڭ قۇقىقتارىن قورعاۋ جانە الەۋمەتتىك تۇراقتىلىق سياقتى ماڭىزدى ماسەلەلەردى قامتيدى. ءبىز ەلىمىز ءۇشىن سەنىمدى بولاشاق قالايمىز، – دەدى ول.
جاڭا كونستيتۋتسيا جوباسىن سونداي-اق تمد ەلدەرىندەگى تەمىربەتون كونسترۋكتسيالارىن وندىرەتىن ەڭ ءىرى كاسىپورىنداردىڭ ءبىرى – «الماتىلىق كوپىر كونسترۋكتسيالارى زاۋىتى» جشس ۇجىمى دا قولدادى. جۇمىسشى جاستار وكىلى، ارماتۋرا جانە قالىپتاۋ تسەحتارىنىڭ باستىعى ماديار ابىلقايىپ ۇسىنىلىپ وتىرعان وزگەرىستەردىڭ الەۋمەتتىك كەپىلدىكتەردى نىعايتۋ جانە ەڭبەك ادامىنىڭ مارتەبەسىن ارتتىرۋ ءۇشىن ماڭىزدى ەكەنىن اتاپ ءوتتى.
– ءبىزدىڭ ۇجىم رەفەرەندۋمدى جانە ونەركاسىپ سالاسىندا بۇدان دا جوعارى ناتيجەلەرگە قول جەتكىزۋگە مۇمكىندىك بەرەتىن نەگىزگى زاڭداعى وزگەرىستەردى قولدايدى. كونستيتۋتسيا جوباسى ەڭبەك ادامىنىڭ مارتەبەسىن ارتتىرىپ، قىزمەتكەرلەر ءۇشىن الەۋمەتتىك كەپىلدىكتەردى بەكىتەدى، – دەدى ول.
العاشقىلاردىڭ ءبىرى بولىپ باستامانى الماتىداعى ەلىمىزدەگى ەڭ ءىرى كونديتەر فابريكاسى – «لوتتە راحات» اق ۇجىمى دا قولدادى. كومپانيادا جاڭا كونستيتۋتسيا مەملەكەتتى دامىتۋعا جانە ازاماتتاردىڭ قۇقىقتارى مەن مۇمكىندىكتەرىن كەڭەيتۋگە باعىتتالعانى اتاپ ءوتىلدى.
– جاڭا كونستيتۋتسيا ەلدىڭ دامۋىنا، ازاماتتاردىڭ قۇقىقتارى مەن مۇمكىندىكتەرىن كەڭەيتۋگە باعىتتالعان. سوندىقتان ءبىز ادىلەتتى قازاقستان قۇرۋعا باعىتتالعان باستامالاردى قولدايمىز. ءاربىر ازامات 15 ناۋرىز كۇنى ءوز تاڭداۋىن جاساۋى ءتيىس، – دەپ اتاپ ءوتتى كومپانيا وكىلدەرى.
سونىمەن قاتار، جاڭا كونستيتۋتسيا جوباسى مەن الداعى رەفەرەندۋمدى «شين-لاين»، «Top Fiber Panel» جشس، «رادۋگا» لاك-بوياۋ زاۋىتى، «قۇلپىناي»، «ماسلو-دەل» جشس، La Porte فابريكاسى، «كازفەرروستال» جشس جانە قالانىڭ باسقا دا وندىرىستىك ۇيىمدارىنىڭ ۇجىمدارى قولدادى.
وسىلايشا، جاڭا كونستيتۋتسيا جوباسىن قولداۋ جانە الداعى رەفەرەندۋمعا قاتىسۋ باستاماسىن الماتىنىڭ جەتەكشى وندىرىستىك كاسىپورىندارىنىڭ ۇجىمدارى – تاماق جانە جەڭىل ونەركاسىپتەن باستاپ مەتاللۋرگيا مەن قۇرىلىس سالاسىنا دەيىن – بەلسەندى تۇردە قولدادى.
