رەسەيلىك مي-8 اسكەري تىكۇشاعى سارسەنبىگە قاراعان ءتۇنى روستوۆ وبلىسىندا اتىپ ءتۇسىرىلدى. بۇل تۋرالى «Astra» Telegram-ارناسى جازدى، دەپ حابارلايدى «ادىرنا» ءتىلشىسى.
وقيعا ميللەروۆ اۋدانىنىڭ دۋدكي اۋىلىندا بولعان. مي-8 تىكۇشاعى سارايعا قۇلاپ، جانىپ كەتكەن. جەرگىلىكتى فەرمەردىڭ سارايى دا ورتەنگەن. بۇل اقپاراتتى جەرگىلىكتى تۇرعىندار مەن رەسەي تجم دەرەك كوزدەرى راستادى. دەرەككە سايكەس، ەكيپاجدىڭ ءۇش مۇشەسى قازا تاپقان.
روستوۆ وبلىسىنىڭ گۋبەرناتورى يۋري سليۋسار ايماققا دروندار شابۋىل جاساعانىن مالىمدەدى. ايتۋىنشا، ميللەروۆ جانە تاراسوۆ اۋداندارىندا ونداعان ۇشقىشسىز اپپاراتتارعا توسقاۋىل قويىلعان. تىكۇشاق اپاتى تۋرالى گۋبەرناتور ەشتەڭە ايتقان جوق. رەسەي قورعانىس مينيسترلىگى دە ايماقتاعى اسكەري شىعىندار جونىندە رەسمي اقپارات تاراتپاعان.
ۇقساس جاڭالىقتار
