يراننىڭ بۇرىنعى كوسەمى اياتوللا ءالي حامەنەيدى جەرلەۋ كەيىنگە قالدىرىلدى. بۇل تۋرالى يسلامدىق ناسيحاتتاۋ ۇيلەستىرۋ كەڭەسىنىڭ باسشىسى سەيەد موحسەن ماحمۋدي ايتتى، دەپ حابارلايدى «ادىرنا» ءتىلشىسى.
قوشتاسۋ ءراسىمى 4 ناۋرىزدا تەگەرانداعى يمام حومەيني مەشىتىندەگى ناماز وقۋ زالىندا باستالىپ، ءۇش كۇنگە سوزىلۋى ءتيىس ەدى. الايدا ول قاتىسۋعا نيەت بىلدىرگەندەر سانىنىڭ تىم كوپتىگىنە جانە تولىق قاۋىپسىزدىكتى قامتاماسىز ەتۋ مۇمكىن بولماۋىنا بايلانىستى كەيىنگە شەگەرىلگەن.
«وسى راسىمگە قاتىسۋعا وتىنىشتەردىڭ كوپتىگىن جانە ادامداردى ورنالاستىرۋ ءۇشىن قاجەتتى جاعدايلاردى قامتاماسىز ەتۋ قاجەتتىلىگىن ەسكەرە وتىرىپ، ءراسىمدى قولايلى ۋاقىتتا وتكىزۋگە شەشىم قابىلداندى»، – دەلىنگەن كەڭەستىڭ حابارلاماسىندا.
ەسكە سالايىق، ءالي حامەنەي 28 اقپاندا اقش پەن يزرايل جۇرگىزگەن ارنايى اسكەري وپەراتسيادان كەيىن قازا تاپتى.
