يراننىڭ ۇشقىشسىز ۇشۋ اپپاراتى باحرەيندەگى سيترا ارالى ايماعىن اتقىلادى. وقيعا بۇگىن، 9 ناۋرىزدا بولعان، دەپ حابارلايدى «ادىرنا» ءتىلشىسى Bahrain News Agency-گە سىلتەمە جاساپ.
كورولدىكتىڭ دەنساۋلىق ساقتاۋ مينيسترلىگى مالىمەتتەرى بويىنشا، شابۋىلدان 32 بەيبىت تۇرعىن زارداپ شەكتى. ولاردىڭ اراسىندا بالالار دا بار. مەديتسينالىق قىزمەتكەرلەر ءتورت ادامنىڭ اۋىر جاراقات العانىن حابارلادى.
ەلدىڭ ىشكى ىستەر مينيسترلىگى شابۋىل سالدارىنان كوپتەگەن ۇيگە زاقىم كەلگەنىن اتاپ ءوتتى.
باحرەين بيلىگى بۇل وقيعانى بەيبىت تۇرعىندارعا قارسى جاسالعان اگرەسسيا دەپ اتادى.
ۇقساس جاڭالىقتار
