فوتو:123RF/legion-media.ru
اتىراۋ قالالىق سوتىندا ەرەكشە اكىمشىلىك ءىس قارالدى. سوتتىڭ ءباسپاسوز قىزمەتى حابارلاعانداي، جەرگىلىكتى تۇرعىن ۇيىندە ۇلكەن جىلاندى رۇقساتسىز ۇستاپ كەلگەن، دەپ حابارلايدى "ادىرنا".
سوت انىقتاعانداي، ايەل ۇيىندە شامامەن 30 كگ سالماقتاعى جانە 3–3,5 مەتر ۇزىندىقتاعى جىلاندى ۇستاعان. الايدا مۇنداي ەكزوتيكالىق جانۋاردى ۇستاۋعا قاجەتتى قۇجاتتار وعان بەرىلمەگەن.
ايەلدى جابايى جانۋارلاردى زاڭسىز ۇستاۋ بابى بويىنشا كىنالى دەپ تانىدى. سوت وعان 10 مرپ مولشەرىندە ايىپپۇل سالدى، بىراق جاعدايلاردى ەسكەرە وتىرىپ، سوما 30%-عا قىسقارتىلىپ، 30 275 تەڭگە كولەمىندە بەلگىلەندى.
جىلان تاركىلەنىپ، ەندى مەملەكەت مەنشىگىنە وتەدى. سوت شەشىمى ءالى زاڭدى كۇشىنە ەنگەن جوق.
ەسكە سالساق، بۇعان دەيىن الماتى وبلىسى قاراساي اۋدانى شامالعان اۋىلىنداعى ءبىر جەكە ۇيدە جىلان بايقالعان ەدى. بۇل تۋرالى اقپارات 112 جەدەل قىزمەتىنە تۇسكەن.
