Foto:123RF/legion-media.ru
Atyrau qalalyq sotynda erekşe äkımşılık ıs qaraldy. Sottyŋ baspasöz qyzmetı habarlaǧandai, jergılıktı tūrǧyn üiınde ülken jylandy rūqsatsyz ūstap kelgen, dep habarlaidy "Adyrna".
Sot anyqtaǧandai, äiel üiınde şamamen 30 kg salmaqtaǧy jäne 3–3,5 metr ūzyndyqtaǧy jylandy ūstaǧan. Alaida mūndai ekzotikalyq januardy ūstauǧa qajettı qūjattar oǧan berılmegen.
Äieldı jabaiy januarlardy zaŋsyz ūstau baby boiynşa kınälı dep tanydy. Sot oǧan 10 MRP mölşerınde aiyppūl saldy, bıraq jaǧdailardy eskere otyryp, soma 30%-ǧa qysqartylyp, 30 275 teŋge kölemınde belgılendı.
Jylan tärkılenıp, endı memleket menşıgıne ötedı. Sot şeşımı älı zaŋdy küşıne engen joq.
Eske salsaq, būǧan deiın Almaty oblysy Qarasai audany Şamalǧan auylyndaǧy bır jeke üide jylan baiqalǧan edı. Būl turaly aqparat 112 jedel qyzmetıne tüsken.
