«Áýmın» dep aıǵaılap, aıyppul arqalady

10552

Atyraýda destrýktıvti aǵym ókilderine 400 myń teńgeden astam aıyppul salyndy dep jazady «Adyrna» ulttyq portaly Aıqyn basylymyna silteme jasap.

Aıyppul arqalaǵandar meshittegi namaz kezinde «Áýmın» sózin barynsha daýystap aıtqan. «Áýmındi» namaz kezinde daýystap aıtý tek destrýktıvti aǵym ókilderine tán.

Atyraý oblysy Qyzylqoǵa aýdany Saǵyz selosyndaǵy «Abdolla Haziret» meshitinde tań namazy kezinde 3 birdeı azamat «Áýmın» sózin daýystap aıtqan. Meshit ımamynyń namaz kezinde «aýmın» sózin qatty aıtýǵa bolmaıtyndyǵy týraly eskertpesine qaramastan, Aqtóbe qalasynyń jas turǵyndary mundaı qadamǵa barǵan. Bul jóninde meshit ımamy polıııaǵa habarlama túsirdi.

Olarǵa qatysty QR ÁQBtK 490-babynyń 2-bóligimen ákimshilik hattama toltyrylyp, aıyppul salyndy. Sonymen qatar atalǵan úshtik Atyraý oblysy Polıııa departamenti Ekstremızmge qarsy kúres basqarmasynyń «destrýktıvti dinı aǵym jaqtaýshysy» retinde tizimdik esepte turǵany belgili boldy.

Osyǵan uqsas oqıǵa Inder aýdanynda ornalasqan «Áıip-Qajy» meshitinde de boldy. Oral qalasynyń 28 jastaǵy turǵyny keshki namaz ýaqytynda «Áýmın» sózin daýystap aıtqan.

Atalǵan quqyqbuzýshylyqqa qatysty QR ÁQBtK 490-babynyń 2-bóligimen ákimshilik hattama toltyrylyp, 102095 teńge kóleminde aıyppul salyndy. Atyraý oblysy Polıııa departamenti Ekstremızmge qarsy kúres basqarmasy «QR Dinı qyzmet jáne dinı birlestikter týraly» zańnamasyna sáıkes, meshitke kelýshiler onyń talaptary men erejelerin saqtaýǵa mindetti ekendigin eskertedi.

Qazirgi tańda Atyraýda meshitte tártip buzǵandarǵa 408 myń 380 teńge aıyppul salyndy.

Pikirler
Uqsas jańalyqtar