Almatyda kölıktı tūraqqa qoiu tärtıbıne bırqatar özgerıs engızıledı. Qalalyq mäslihat jol qozǧalysyn ūiymdastyru qaǧidalaryn bekıttı, dep habarlaidy "Adyrna" tılşısı.
Qūjat 5 tamyzda resmi jariialandy, 16 tamyzdan bastap resmi küşıne enedı.
Jaŋa erejege säikes, qaladaǧy aqyly tūraqtardyŋ jūmys uaqyty ūzarady. Qazır tūraqtar saǧat 19:00-ge deiın aqyly bolsa, 16 tamyzdan bastap būl uaqyt 20:00-ge deiın jalǧasady. Aqyly tūraq oryndary kök tüstı üzık syzyqpen belgılenedı.
Sonymen qatar tūraq aqysyn esepteu tärtıbı özgeredı. «Almaty parking» aqyny saǧat boiynşa emes, minut saiyn esepteitın bolady. Bır minutqa belgılenetın naqty tarif äzırge jariialanǧan joq.
Köppäterlı tūrǧyn üidegı päter jäne tūrǧyn emes üi-jailardyŋ ielerı men jalǧa aluşylary üşın jeŋıldık qarastyrylǧan. Olar üi ornalasqan jerden 500 metr radiustaǧy bır tūraq ornyn tegın paidalana alady. Būl mümkındık bır üiden bır kölıkke berıledı. Alaida ereje biznes-ortalyqtarǧa qoldanylmaidy.
Tegın tūraq ornyn paidalanu üşın azamat basqaruşy ūiymǧa nemese «Almaty parking» internet-resursy arqyly ötınış beruı kerek. Ötınışterdı «eOtinish» platformasy arqyly da qabyldau mümkındıgı qarastyrylǧan.
Kompaniianyŋ call-ortalyǧynyŋ mälımetınşe, ötınışterdı qabyldau 16 tamyzdan bastalady. Tegın tūraqqa rūqsat alu merzımı äzırge naqtylanbaǧan.
Sondai-aq aqyly tūraqtarǧa memlekettık nömırı jaramsyz, dūrys ornatylmaǧan, tozǧan nemese nömırdı säikestendıruge kedergı keltıretın özgerıster engızılgen kölıkterdı qoiuǧa bolmaidy.
Jeke mobildılık qūraldaryna, onyŋ ışınde velosiped pen samokattarǧa arnalǧan arnaiy tūraq oryndary da qarastyrylǧan. Olar arnaiy jol taŋbalarymen belgılenedı jäne tegın bolady.
Būdan bölek, 16 tamyzdan bastap Almatyda kölıktı aiyptūraqqa jetkızu jäne onda saqtau qyzmetı aqyly bolady. Qyzmet qūny äzırge belgılengen joq.
