Türkiianyŋ kölık ministrı Abdulqadir Uraloglu tas jolda saǧatyna 224 şaqyrym jyldamdyqpen jürgen videosyn äleumettık jelıde jariialap, ereje būzǧany üşın aiyppūl töledı, dep habarlaidy “Adyrna” ūlttyq portaly.
Kölık ministrınıŋ memlekettık änūran äuenımen jyldamdyǧyn saǧatyna 224 şaqyrymǧa jetkızuı äleumettık jelıde ülken şu tudyrdy. Öitkenı türık tas joldarynda rūqsat etılgen maksimaldy jyldamdyq — saǧatyna 140 şaqyrym.
Osydan keiın Uraloglu taǧy bır jazba jariialap, onda resmi türde aiyppūl tölegenın jazǧan.
«Ankara-Nigde jolynyŋ soŋǧy jaǧdaiyn köru üşın rölge özım otyrdym. Sol sätte onşa män bermei, az uaqytqa jyldamdyqty arttyrdym. Videomen bölısıp, özımdı özım äşkereledım. Jyldamdyq erejelerın saqtau bärımızge mındettı. Bızdıŋ jol qyzmetı tarapynan qajettı jazalau şarasy qoldanyldy. Endı halyqqa būdan bylai mūqiiat bolatynymdy habarlaimyn» - dep jazdy ministr.
