Qoǧamdyq oryndarda bettı jauyp tūratyn kiım kigenderge jaza qoldanylady. Bügın, 3 jeltoqsanda Mäjılıs «Qūqyqbūzuşylyq profilaktikasy turaly» jaŋa zaŋdy ekınşı oqylymda qabyldady, dep habarlaidy «Adyrna» tılşısı.
«Zaŋda qūqyqbūzuşylyq profilaktikasy jüiesı keŋeitılıp, profilaktika subektılerınıŋ sany 13-ten 26-ǧa deiın artady. Oǧan otbasyn qoldau ortalyqtary, mobildı toptar, qamqorşylyq organdary, BAQ, jastar ısı jönındegı ortalyqtar, uäkılettı organdar jäne käsıpkerler kıredı. Sonymen qatar profilaktika modelınıŋ özı qaita qaralady. Endı oǧan jalpy, jeke jäne arnaiy şaralar engızıledı»,-delıngen habarlamada.
Äkımşılık qūqyqbūzuşylyq turaly kodekske engızılgen tüzetulerde qoǧamdyq oryndarda bettı jauyp tūratyn, tanuǧa kedergı keltıretın kiım (niqab) kigenı üşın äkımşılık jaza qarastyrylǧan. Qūqyqbūzuşylyq üşın bırınşı ret eskertu jasalady, qaitalanǧan jaǧdaida 10 AEK ( şamamen 43 myŋ teŋge - red.) kölemınde aiyppūl salynady.
Zaŋǧa qaişy kontenttı jariialaǧandar men taratqandarǧa, sondai-aq memlekettık organdardyŋ būzuşylyqtardyŋ sebebın joiu turaly nūsqaularyn qasaqana oryndamaǧandarǧa qatysty jauapkerşılık engızıledı.
