«Üstırt» memlekettık tabiǧi qoryǧyna arnaiy rūqsat qūjaty negızınde ǧana kıruge bolady. Būl turaly qoryqtyŋ Ekologiialyq aǧartu jäne turizm bölımınıŋ basşysy Amanqos Äbiev mälımdedı, dep habarlaidy «Adyrna» tılşısı.
«Qaraqiia-Qaraköl qaumalyna keletın qoqiqazdar, ärine, öte ädemı. Būl körkem kadrdy körsetu üşın keibır azamat dron qoldanyp, qūstardy ürkıtıp, videoǧa tüsıredı. Būǧan zaŋmen tyiym salynǧan. «Januarlar düniesin qorǧau, ösimin molaitu jäne paidalanu turaly» turaly zaŋnyŋ 14-baby 3-tarmaǧy 5-tarmaqşasyna säikes, toptasyp ūşatyn qūstardyŋ meken etetın aimaǧynda 1 km tömen biıktıkte drondardy, tıkūşaqtardy ūşyruǧa rūqsat berılmegen. Ereje būzǧandarǧa 10 MRP aiyppūl salynady. Bır jyl ışınde qaitalansa, aiyppūl 20 MRP-ǧa deiın ösedı»,– dedı ol.
