ءباسپاسوز كونفەرەنتسياسى بارىسىندا يرانىڭ قازاقستانداعى ەلشىسى ءالي اكبار دجوۋكار جۋرناليستەردىڭ يراننىڭ ازىق-تۇلىك قاۋىپسىزدىگى مەن جانار-جاعار ماي قورىنا قاتىستى سۇراعىنا جاۋاپ بەردى، دەپ حابارلايدى "ادىرنا".
ەلشىنىڭ ايتۋىنشا، قازىرگى جاعداي الدىن الا بولجانعان. سوندىقتان يران تاراپى ىقتيمال قيىندىقتاردى ەسكەرە وتىرىپ، قاجەتتى ستراتەگيالىق قورلاردى قامتاماسىز ەتكەن. ونىڭ سوزىنشە، مەملەكەت مۇنداي جاعدايلاردا ەلدىڭ ازىق-تۇلىك جانە ەنەرگەتيكالىق قاۋىپسىزدىگىن ساقتاۋ ءۇشىن ءتيىستى دايىندىق جۇمىستارىن جۇرگىزگەن.
سونىمەن قاتار سوڭعى كۇندەرى تەگەران ماڭىنداعى كارادج قالاسىندا ورنالاسقان مۇناي قويمالارىنا شابۋىل جاسالعانى تۋرالى اقپارات تاراعان. ەلشىنىڭ پىكىرىنشە، مۇنداي جاعدايلار جانار-جاعار مايمەن قامتاماسىز ەتۋ جۇيەسىنە بەلگىلى ءبىر دەڭگەيدە اسەر ەتۋى مۇمكىن.
دەگەنمەن ول حالىق قازىرگى جاعدايدى ءتۇسىنىپ وتىرعانىن جانە مۇنداي كەزەڭدە سابىر ساقتايتىنىن اتاپ ءوتتى. سونداي-اق يران ۇكىمەتى مۇنداي ىقتيمال قيىندىقتاردى الدىن الا ەسكەرىپ، ءتيىستى شارالاردى جوسپارلاعانىن جەتكىزدى.
