اباي وبلىسى، بورودۋليحا اۋىلىنىڭ تۋماسى ەراسىل سايلاۋوۆ ناۋرىز ۇبت-دان 140 بال جينادى. بۇل تۋرالى وقۋ-اعارتۋ مينيسترلىگى ايتتى، دەپ حابارلايدى «ادىرنا» ءتىلشىسى.
ول قازىرگى تاڭدا ءاليحان بوكەيحان اتىنداعى قازاق ورتا مەكتەبىنىڭ جانە «تاريح مەكتەبى» ءبىلىم بەرۋ ورتالىعىنىڭ تۇلەگى.
ەراسىل ناۋرىز ايىنداعى ۇبت-دا 140 بالل جيناپ، قازاقستان بويىنشا ەڭ جوعارى ناتيجەگە قول جەتكىزگەن. اتالعان كورسەتكىش نەگىزىندە اعىلشىن ءتىلى پانىنەن 50 باللدىق كونۆەرتاتسيا جاسالدى.
ء«جاسوسپىرىمنىڭ بوس ۋاقىتىنىڭ باسىم بولىگى كىتاپ وقۋعا جانە شەت تىلدەرىن مەڭگەرۋگە ارنالادى. ءتىل ۇيرەنۋگە دەگەن قىزىعۋشىلىعىنىڭ ناتيجەسىندە ول 10-سىنىپتا وقىپ جۇرگەن كەزىندە IELTS حالىقارالىق ەمتيحانىن تاپسىرعان. سونىمەن قاتار، ۆولەيبول سپورتىمەن تۇراقتى تۇردە اينالىسادى»،-دەلىنگەن حابارلامادا.
ەراسىلدىڭ نەگىزگى ماقساتى — ناعىز ۇبت-دا ءدال وسى ناتيجەنى قايتالاپ، 140 بالل يەگەرى اتانۋ جانە «ديپلوماتيا» ماماندىعى بويىنشا مەملەكەتتىك ءبىلىم گرانتىنا يە بولۋ.
