ۇلىتاۋ وبلىسىنىڭ اكىمى داستان رىسپەكوۆ رەسپۋبليكالىق رەفەرەندۋم اياسىندا ءوز تاڭداۋىن جاساپ، داۋىس بەردى. ءوڭىر باسشىسى ەل تاريحىنداعى ماڭىزدى ساياسي ناۋقانعا قاتىسۋ ءاربىر ازامات ءۇشىن ۇلكەن جاۋاپكەرشىلىك ەكەنىن اتاپ ءوتتى.
ۇلىتاۋ وبلىسىندا رەفەرەندۋم ۋچاسكەلەرى شتاتتىق رەجيمدە جۇمىس ىستەپ، تۇرعىنداردىڭ داۋىس بەرۋىنە بارلىق قاجەتتى جاعداي جاسالعان. وبلىس تۇرعىندارى ساياسي ناۋقانعا بەلسەندى قاتىسىپ، ءوز تاڭداۋلارىن جاساۋدا.
ءوڭىردىڭ قالا-اۋداندارىندا العاش بولىپ داۋىس بەرگەن تۇرعىندارىنا ارنايى سىيلىقتار تابىس ەتىلدى.
ۇقساس جاڭالىقتار
