قازاقستان سپورتشىلارى يتاليادا وتكەن 2026 جىلعى قىسقى پاراليمپيادا ويىندارىنىڭ سوڭعى جارىس كۇنىندە ونەر كورسەتىپ، پاراشاڭعى جارىسىندا جۇلدەگە ءبىر قادام جەتپەي قالدى.
ەرلەر اراسىنداعى 20 شاقىرىمدىق جەكە پاراشاڭعى جارىسىندا («تۇرىپ جارىسۋ» ساناتى) قازاقستان اتىنان الەكساندر گەرليتس، ۆلاديسلاۆ كوبال جانە نۇرلان ءالىموۆ باق سىنادى.
قازاقستاندىقتار اراسىنداعى ەڭ ۇزدىك ناتيجەنى الەكساندر گەرليتس كورسەتتى. ول جەڭىمپازدان +2:24.3 ۋاقىتقا قالىپ، ءتورتىنشى بولىپ مارەگە جەتتى جانە جۇلدەگە ءبىر قادام عانا جەتپەي قالدى.
ۆلاديسلاۆ كوبال سەگىزىنشى ورىن الدى (+3:46.6), ال نۇرلان ءالىموۆ جارىستى 16 ورىنمەن اياقتادى (+6:20.6).
جارىستىڭ بارلىق جۇلدەگەرلەرى قىتاي سپورتشىلارى بولدى.
2026 جىلعى قىسقى پاراليمپيادا ويىندارى 15 ناۋرىزدا اياقتالدى.
قازىرگى ۋاقىتتا قازاقستان قۇراماسىنىڭ قورجىنىندا ەكى مەدال بار:
- بياتلونداعى سپرينتتىك قۋ جارىسىندا التىن;
- پاراشاڭعى سپرينتىندە قولا.
ەكى جۇلدەنى دە ەل قورجىنىنا ەربول حاميتوۆ سالدى.
