Kaspi.kz كاسىپكەرلەرگە قىتايدان تاۋارلاردى ساپاسىن تەكسەرىپ، تولىق رەسمي قۇجاتتارىمەن تاپسىرىس بەرۋگە كومەكتەسەتىن جاڭا «كوتەرمە ساتىپ الۋلار» ونلاين-قىزمەتىن ىسكە قوستى. بارلىق تاۋارلار مەن قىزمەتتەرگە تولەم تەڭگەمەن جۇرگىزىلەدى.
قىزمەت Kaspi Pay قوسىمشاسىندا قازاقستاننىڭ بارلىق وڭىرىندەگى كاسىپكەرلەرگە قولجەتىمدى. تاپسىرىستى بىرنەشە رەت باسۋ ارقىلى راسىمدەۋگە بولادى، ال بۇكىل پروتسەسس — تولەم، كەدەندىك راسىمدەۋ جانە ەسىككە دەيىن جەتكىزۋ - Kaspi.kz تاراپىنان جۇزەگە اسىرىلادى. قاجەت بولعان جاعدايدا جەكە تالاپتاردى ەسكەرە وتىرىپ ءىرى پارتيالارعا دا تاپسىرىس بەرۋگە بولادى.
تاۋارلاردىڭ رەسمي تۇردە اكەلىنۋى جانە قۇجاتتاردىڭ بولۋى كاسىپكەرلەرگە ساتىپ الىنعان ونىمدەردى ارتىق تاۋەكەلسىز ساتۋعا مۇمكىندىك بەرەدى - بولشەك ساۋدادا، ونلاين فورماتتا، كەز كەلگەن ماركەتپلەيستەردە نەمەسە ساۋدا نۇكتەلەرىندە. سونداي-اق بۋحگالتەرلىك جانە سالىقتىق ەسەپتى دۇرىس جۇرگىزۋگە جاعداي جاسايدى.
Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە:
«كوتەرمە ساتىپ الۋلار» قىزمەتى ءبىزدىڭ سەرىكتەستەرىمىزگە تاۋار پارتيالارىن ساپانى باقىلاۋمەن، ەسىككە دەيىن جىلدام جەتكىزۋمەن جانە تولىق رەسمي قۇجاتتار پاكەتىمەن تاپسىرىس بەرۋگە مۇمكىندىك بەرەدى. بۇل بيزنەسكە جىلدام دامۋعا، اسسورتيمەنتىن كەڭەيتۋگە جانە جاڭا جۇمىس ورىندارىن اشۋعا كومەكتەسەدى، وسىلايشا كاسىپكەرلىكتىڭ دامۋىنا جانە قازاقستان ەكونوميكاسىنىڭ وسۋىنە ۇلەس قوسادى. بىزبەن بىرگە بولعاندارىڭىز ءۇشىن ءاربىر سۇيىكتى كليەنتىمىزگە جانە سەرىكتەسىمىزگە راقمەت!»
جاڭا سەرۆيس تۋرالى تولىعىراق اقپارات سەرىكتەستەرگە ارنالعان گيد بولىمىندە.
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ. يننوۆاتسيالاردىڭ ورتالىعىندا – ەلدەگى ەڭ تانىمال ءموبيلدى سۋپەرقوسىمشا Kaspi.kz. ونى شامامەن 16 ميلليونعا جۋىق قازاقستاندىق قولدانادى، ول ەلدەگى ەلەكتروندى ساۋدا، تولەم جانە قارجىلىق جەتەكشى سەرۆيستەردى قامتيدى.
Kaspi.kz سۋپەرقوسىمشاسى ارقىلى قازاقستاندىقتار تەگىن جەتكىزۋ قىزمەتى بار ءتيىمدى ونلاين ساۋدا جاساپ، كوميسسياسىز تولەمدەر مەن اۋدارىمدار جاسايدى، جەكە قارجىلارىن باسقارادى، اۋە جانە تەمىرجول بيلەتتەرىن ساتىپ الادى، تۋرلار راسىمدەيدى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن دە Kaspi Pay سۋپەرقوسىمشاسىن ازىرلەدى، ونى قازاقستانداعى شامامەن 700 مىڭ كاسىپكەر پايدالانادى. Kaspi Pay ارقىلى كاسىپكەرلەر بيزنەسىن دامىتۋعا قارجىلاندىرۋ الادى، تولەم قابىلدايدى، جارنامالىق ناۋقاندار جۇرگىزەدى، سالىق تولەيدى، ەلەكتروندىق ساۋدا جانە جەتكىزۋ پلاتفورماسىنا قوسىلادى، ونىڭ كومەگىمەن تاۋارلارىن بۇكىل ەل اۋماعىندا ساتادى.
گارۆارد بيزنەس مەكتەبى Kaspi.kz تۋرالى ەكى وقۋ ماتەريالىن ازىرلەدى، ونى بىرنەشە جىلدان بەرى ماگيستراتۋرا ستۋدەنتتەرى وقىپ كەلەدى.
