يراننىڭ بارلاۋ ءمينيسترى ەسمايل حاتيب ءيزرايلدىڭ اۋە سوققىسى سالدارىنان قازا تاپتى، دەپ حابارلايدى «ادىرنا» ءتىلشىسى.
«سارسەنبىگە قاراعان ءتۇنى يزرايل اسكەري-اۋە كۇشتەرى تساحال بارلاۋ دەرەكتەرىنە سۇيەنە وتىرىپ، تەگەرانعا جاسالعان نىسانالى سوققى بارىسىندا يران رەجيمىنىڭ بارلاۋ ءمينيسترى ەسمايل ءحاتيبتى ءولتىردى»، – دەلىنگەن يزرايل قورعانىس ارمياسىنىڭ حابارلاماسىندا.
ەسمايل حاتيب 2021 جىلى يراننىڭ بارلاۋ ءمينيسترى قىزمەتىنە تاعايىندالعان. باق مالىمەتىنشە، ول يراننىڭ جاڭا جوعارعى كوشباسشىسى مودجتابا حامەنەيگە ەڭ جاقىن ادامداردىڭ ءبىرى سانالعان.
ەسكە سالايىق، 17 ناۋرىز كۇنى تساحال تەگەرانعا جاسالعان اۋە سوققىسى ناتيجەسىندە يراننىڭ ۇلتتىق قاۋىپسىزدىك جوعارى كەڭەسىنىڭ حاتشىسى ءالي ءلاريدجانيدىڭ جانە يسلام رەۆوليۋتسياسى ساقشىلارى كورپۋسى قۇرامىنداعى «باسيدج» بولىمشەسىنىڭ قولباسشىسى گەنەرال گولامرەزا سۋلەيمانيدىڭ قازا تاپقانىن مالىمدەگەن بولاتىن.
