كانادانىڭ ترانسپورت ءمينيسترى ومار الگابرا 20 ساۋىردە ەرەكشە تاسىلمەن كانادالىق زاڭ شىعارۋشى ورگانعا ءۇن قاتتى. ول زاڭ شىعارۋشىلاردىڭ ايەل تاعدىرىنا كەلگەندە "بىلق ەتپەي" وتىرعانىن ايىپتاپ، اياعىنا القىزىل ءتۇستى بيىك وكشەلى اياق كيىم كيدى. "نازارىڭىزدى وسىنداي ارەكەتتەرمەن اۋدارماساق، قىڭق ەتپەيتىن ءتۇرىڭىز بار. ايەلدەرگە قارسى زورلىق-زومبىلىق بەلەڭ الىپ بارا جاتىر، تەك فيزيكالىق سيپاتتا ەمەس، بارلىق ءتۇرىن ايتام", - دەدى ساياساتكەر. بۇل حاقىندا "ادىرنا" ۇلتتىق پورتالى ەلدى قۇلاقتاندىرادى.
20 cاۋىردە كانادانىڭ ترانسپورت ءمينيسترى ومار الگابرا كەيبىر كانادالىق زاڭ شىعارۋشىلاردىڭ قوعامدا ءورشىپ بارا جاتقان ايەلدەرگە قاتىستى زورلىق-زومبىلىقتى ەسكەرۋى ءۇشىن ەرەكشە قادامعا باردى. ول قانداي دا ءبىر ادام تاراپىنان جاسالاتىن قىسىمنىڭ الدىن الۋ ماقساتىندا "بيىك وكشەلى ءۇمىت" ناۋقانىن باستاپ، القىزىل بيىك وكشەلى اياق كيىم كيگەن كادرلارىمەن ءبولىستى.
https://twitter.com/OmarAlghabra/status/1649112084330807298
بيىك وكشەلى اياق كيىم كيىپ، وي بيىگىنەن كورىنۋدى مۇرات ەتكەن ساياساتكەر ءوز ارەكەتى تۋراسىندا:
- قوعامىمىزدا ايەلگە جاسالىپ جاتقان قىسىمنىڭ ازاياتىن ءتۇرى جوق. "بيىك وكشەلى ءۇمىت" - ايەلدەرگە قاتىستى زورلىق-زومبىلىقتىڭ تۇگەسىلىپ، ەرلەر مەن ەر بالالاردىڭ دۇرىس ءىس-ارەكەتكە باراتىنىنا نيەت ەتكەن بايلانىستى ءۇمىت. وسى ماڭىزدى ناۋقاندى قولداۋ ءۇشىن بيىك وكشەلى اياق كيىم كيدىك. وكىنىشكە قاراي، ايەلدەرگە قارسى زورلىق-زومبىلىق بەلەڭ الىپ بارا جاتىر، تەك فيزيكالىق سيپاتتا ەمەس، ونىڭ قوعامدا بارلىق ءتۇرى كەزدەسەدى. مەن وزىمنەن باستادىم. ايەلدەر ءومىرىنىڭ قاۋىپسىز جانە باياندى بولۋى ءۇشىن ەر-ازاماتتاردىڭ ارەكەتى ءتۇزۋ بولۋى كەرەك. ول ءۇشىن قولدان كەلگەننىڭ بارلىعىن ىستەۋگە ءتيىسپىز، - دەدى ساياساتكەر.
"ادىرنا" ۇلتتىق پورتالى
