Kanadanyń transport mınıstri Omar Algabra 20 sáýirde erekshe tásilmen kanadalyq zań shyǵarýshy organǵa ún qatty. Ol zań shyǵarýshylardyń áıel taǵdyryna kelgende "bylq etpeı" otyrǵanyn aıyptap, aıaǵyna alqyzyl tústi bıik óksheli aıaq kıim kıdi. "Nazaryńyzdy osyndaı árekettermen aýdarmasaq, qyńq etpeıtin túrińiz bar. Áıelderge qarsy zorlyq-zombylyq beleń alyp bara jatyr, tek fızıkalyq sıpatta emes, barlyq túrin aıtam", - dedi saıasatker. Bul haqynda "Adyrna" ulttyq portaly eldi qulaqtandyrady.
20 cáýirde Kanadanyń transport mınıstri Omar Algabra keıbir kanadalyq zań shyǵarýshylardyń qoǵamda órship bara jatqan áıelderge qatysty zorlyq-zombylyqty eskerýi úshin erekshe qadamǵa bardy. Ol qandaı da bir adam tarapynan jasalatyn qysymnyń aldyn alý maqsatynda "bıik óksheli úmit" naýqanyn bastap, alqyzyl bıik óksheli aıaq kıim kıgen kadrlarymen bólisti.
https://twitter.com/OmarAlghabra/status/1649112084330807298
Bıik óksheli aıaq kıim kıip, oı bıiginen kórinýdi murat etken saıasatker óz áreketi týrasynda:
- Qoǵamymyzda áıelge jasalyp jatqan qysymnyń azaıatyn túri joq. "Bıik óksheli úmit" - áıelderge qatysty zorlyq-zombylyqtyń túgesilip, erler men er balalardyń durys is-áreketke baratynyna nıet etken baılanysty úmit. Osy mańyzdy naýqandy qoldaý úshin bıik óksheli aıaq kıim kıdik. Ókinishke qaraı, áıelderge qarsy zorlyq-zombylyq beleń alyp bara jatyr, tek fızıkalyq sıpatta emes, onyń qoǵamda barlyq túri kezdesedi. Men ózimnen bastadym. Áıelder ómiriniń qaýipsiz jáne baıandy bolýy úshin er-azamattardyń áreketi túzý bolýy kerek. Ol úshin qoldan kelgenniń barlyǵyn isteýge tıispiz, - dedi saıasatker.
"Adyrna" ulttyq portaly
