اباي وبلىسىنداعى ورلوۆ شاحتاسىندا ەكى جۇمىسشى ۋلانعانى انىقتالدى، دەپ حابارلايدى "ادىرنا" ۇلتتىق پورتالى.
وقيعا 19 ناۋرىز كۇنى بولعان. ساعات 10:40 شاماسىندا ورلوۆ شاحتاسىنىڭ ديسپەتچەرىنە ەكى جۇمىسشىنىڭ زياندى گازداردان ۋلانۋ بەلگىلەرىمەن تابىلعانى تۋرالى اقپارات تۇسكەن.
"زارداپ شەككەندەردىڭ ءبىرى اۋرۋحاناعا بارا جاتقان جولدا كوز جۇمدى. مەديتسينالىق كومەك كورسەتىلگەن ەكىنشى جۇمىسشىنىڭ قازىرگى جاعدايى تۇراقتى دەپ باعالانىپ وتىر. كاسىپورىننىڭ باسقارما توراعاسى اندرەي ترەتياكوۆ جازاتايىم وقيعانى تەرگەۋگە جەكە قاتىسۋ ءۇشىن ورلوۆ كەنىشىنە جولعا شىقتى. KAZ Minerals توبىنىڭ باسشىلىعى مەن ۇجىمى قازا بولعان قىزمەتكەردىڭ تۋعان-تۋىستارى مەن جاقىندارىنا شىن جۇرەكتەن كوڭىل ايتادى. كومپانيا مارقۇمنىڭ وتباسىنا جان-جاقتى كومەك كورسەتەدى، — دەلىنگەن كومپانيا حابارىندا.
