قازاقستان رەسپۋبليكاسىنىڭ سىرتقى ىستەر مينيسترلىگى لەنينگراد وبلىسىندا بولعان جاپپاي توبەلەسكە قاتىستى جاڭا دەرەكتەر جاريالادى، دەپ حابارلايدى "ادىرنا" ۇلتتىق پورتالى.
26 ناۋرىز 2026 جىلى ۋست-لۋگا اۋىلىندا تۇرمىستىق سيپاتتاعى جانجال ورىن الىپ، وعان قازاقستان ازاماتتارى دا قاتىسقان.
ەرلان جەتىباەۆ مالىمدەگەندەي، رەسەي فەدەراتسياسىنىڭ قۇقىق قورعاۋ ورگاندارى وقيعانىڭ بارلىق جاعدايىن جان-جاقتى جانە وبەكتيۆتى انىقتاۋ ءۇشىن قاجەتتى پروتسەسسۋالدى شارالاردى وتكىزگەن. ونىڭ ىشىندە جانجالعا قاتىسۋشىلاردىڭ ۋاقىتشا ۇستالۋى دا قاراستىرىلعان.
جەتىباەۆ اتاپ وتكەندەي، قازاقستان ازاماتتارى اراسىندا اۋىر جاراقات العاندار نەمەسە اۋرۋحاناعا جاتقاندار جوق. سونىمەن قاتار، وقيعا ورنىنداعى جاعداي تۇراقتى جانە قۇقىق قورعاۋ قىزمەتتەرىنىڭ باقىلاۋىندا.
سىرتقى ىستەر مينيسترلىگى سانكت-پەتەربۋرگتەگى قازاقستاننىڭ باس كونسۋلدىعى رەسەيلىك قۇقىق قورعاۋ ورگاندارىمەن تۇراقتى بايلانىستا جۇمىس ىستەپ جاتقانىن حابارلادى.
