يران پرەزيدەنتى ماسۋد پەزەشكيان كورشى ەلدەرگە تاعى دا ۇندەۋ جاسادى، دەپ حابارلايدى “ادىرنا”.
پەزەشكيان تەگەران الدىن الا شابۋىل جاسامايتىنىن مالىمدەدى. دەگەنمەن، يران ءوز ينفراقۇرىلىمى مەن ەكونوميكالىق نىساندارىنا كەز كەلگەن شابۋىلعا "بارىنشا قاتاڭ جاۋاپ" بەرەتىنىن ايتتى.
"ەگەر دامۋدى دا، قاۋىپسىزدىكتى دە قالاساڭىزدار، ءوز جەرىڭىزدە تۇرىپ، جاۋىمىزعا قوسىلىپ، بىزگە قارسى سوعىسپاڭىزدار", – دەپ جازدى يران پرەزيدەنتى X الەۋمەتتىك جەلىسىندە، ايماق مەملەكەتتەرىنە ۇندەۋ جولداپ.
بۇعان دەيىن يران پرەزيدەنتى ناۋرىز مەرەكەسىنە وراي كورشىلەس مۇسىلمان ەلدەرىنە ۇندەۋ جاساپ، ءوز ەلىنىڭ كورشىلەرىمەن قاقتىعىسۋدى كوزدەمەيتىنىن مالىمدەگەن ەدى.
ونىڭ سوزىنشە، يراننىڭ كورشىلەس مۇسىلمان مەملەكەتتەرىمەن تەكەتىرەسىنەن ۇتاتىن جالعىز تاراپ – "مەملەكەتتىك تەرروريزمگە نەگىزدەلگەن" يزرايل رەجيمى.
پەزەشكيان اقش پەن ءيزرايلدىڭ شابۋىلدارى اياسىندا حالىقتى بىرلىككە شاقىرىپ، يراندى "داۋىلداردىڭ اراسىنان ابىرويمەن الىپ شىعۋ" قاجەتىن ايتتى.
